NOTA DE PRENSA
| O PPdeG reclama “respecto e dignidade” para os dependentes da Mariña que ven como a incompetencia dun Goberno enredado en adiantos electorais e intereses partidistas, está a poñer en perigo o desenvolvemento da Lei |
| HOXE HAI MÁS MARIÑÁNS QUE FALECERON Á ESPERA DE RECIBIR AS AXUDAS QUE LLES PERTENCEN POLA LEI DE DEPENDENCIA QUE BENEFICIARIOS RECIBÍNDOAS |
|
A Mariña, 20 de xaneiro de 2008.- A aplicación dos dereitos e axudas contemplados na Lei de Dependencia segue a ser a gran asignatura pendente na Mariña lucense de tal xeito que hoxe hai máis veciños desta comarca que faleceron á espera de poder recibir as axudas da Lei de dependencia, tendo dereito a elas, que beneficiarios recibindo os correspondentes abonos. O devandito dato foi facilitado polo deputado do Partido Popular de Galicia (PPdeG) José Manuel Balseiro Orol no transcurso dunha rolda de prensa na que reclamou “respecto e dignidade” para as persoas dependentes que están a ver como a incompetencia do Goberno bipartito, enredado en adiantos electorais e intereses partidistas, está a poñer en perigo o desenvolvemento da Lei.
UN CENTENAR DE FALECIDOS
O deputado do PPdeG na Mariña lucense explicou que a Xunta desistiu da tramitación dos expedientes de recoñecemento das axudas para preto dun centenar de mariñáns. O motivo principal desta baixa por causas sobrevidas foi precisamente a defunción da persoa que solicitaba a valoración do seu grado de dependencia ou, no seu caso, da persoa que xa tiña recoñecido o dereito a recibir a axuda. O número de expedientes iniciados nos distintos concellos da nosa comarca (incluído Riotorto) ascende a 1.540.
ENGANO MASIVO
Para dar unha imaxe do que está a acontecer, Balseiro Orol emprega os datos relativos a seis concellos da nosa comarca. Serven como exemplo: Cervo, Xove, Barreiros, Alfoz, O Vicedo e Ribadeo. Segundo o cronograma de aplicación da Lei de Dependencia xa terían que estar atendidos os grandes dependentes (Grado III) e os dependentes de grado II (dependencia severa, nivel II). Lonxe desta realidade o certo é que tan só están a cobrar as súas axudas o 1% do total de mariñáns que iniciaron o seu expediente de recoñecemento de dependencia -7 de 577 persoas-. O dato é aínda máis desalentador se atendemos ás cifras de grandes dependentes: 18 dos 182 beneficiarios faleceron sen percibir as súas axudas, isto é preto dun 10% daquelas persoas que, por lei, tiñan dereito a recibilas.
SEN PRAZAS PARA DEPENDENTES EN BURELA
Pero as carencias do desenvolvemento da nova Lei na nosa comarca non se limitan á falta de abono das axudas para aquelas persoas que lograron o recoñecemento do seu grado e nivel de dependencia, nin para os seus coidadores, senón que tamén afecta a outro tipo de servizos aos que da dereito esta nova lei: axuda no fogar, residencias e centros de dia. Malia os incontables anuncios da Vicepresidencia o certo é que non se procedeu á construción e apertura de nin un só centro de día na Mariña, polo que carecemos aínda destas infraestruturas de primeiro interese social a excepción do centro de día de Viveiro xestionado por Cruz Vermella. A maiores disto e, a pesar das obras que se desenvolveron na residencia da terceira idade de Burela esta segue a ser exclusiva para persoas válidas, -non ofrece prazas para persoas dependentes- e, incumprindo a súa promesa de abrila en decembro do ano pasado, a residencia de Viveiro non está operativa. As obras no centro sito en Burela non foron máis ca un “lavado de cara” e os dependentes da Mariña teñen que ser derivados a residencias alleas á rede pública ou a prazas concertadas en centros privados como o de Xove.
O BNG COMO OBSTÁCULO
A aplicación da Lei de Dependencia na Mariña está a ser unha travesía chea de obstáculos na que o principal escollo é a falta de vontade política da Vicepresidencia da Xunta de Galicia. Os populares denuncian que desde esta área de Goberno de responsabilidade nacionalista se gastan máis cartos en propaganda e no aparato que ser organiza coas visitas de Quintana aos distintos concellos de Galicia, que en pagar as axudas que por dereito lle corresponden ás persoas dependentes.
QUINTANA E TOURIÑO RESPONSABLES
Balseiro Orol sinala que nesta historia de “falsas expectativas e intentos de manipulación” dos dependentes galegos só hai dous máximos responsables: o señor Anxo Quintana e o presidente da Xunta, Emilio Pérez Touriño.
“O señor Quintana –lembra- por que é o promotor inicial do engano masivo, xogando, desde un principio, a ocultar e a maquillar os datos do grao de aplicación da lei, creando falsas esperanzas a centos de familias; e o presidente da Xunta, xefe do Executivo autonómico, polo seu nulo peso político á hora de mediar co seu goberno amigo de Madrid”.
Para o deputado popular pola Mariña a actitude do BNG e do PSdeG está a lastrar, aínda máis, o desenvolvemento da lei na nosa comarca, que xa acumula unha notable demora, que sitúa a Galicia en postos de cola en comparación co conxunto do Estado.
PRÁCTICA PERVERSA: FALSAS EXPECTATIVAS
Balseiro Orol considera que as falsas expectativas levantadas ata o de agora pola Xunta e polo Goberno central en relación con prometidas prestacións para os dependentes e as súas familias, “que non están a recibir as axudas que por dereito lles corresponden a medio prazo como consecuencia da carencia dos medios económicos”, constitúe unha práctica perversa, máis ca censurable.
S
Anexo cadro:
| ¿Cántos expedientes da Lei de Dependencia (de veciños do teu concello) foron remitidos á Xunta? | ¿Cántos foron valorados como grandes dependentes (grado III)? | ¿Cantos destes grandes dependentes (grado III) están valorados dende hai máis de 6 meses? | ¿Cántos destes grandes dependentes (grado III) valorados pola Xunta falleceron sen percibir axudas? | ¿Cántos foron valorados como dependentes severos (grado II)? | ¿Cántos foron valorados como dependentes moderados (grado I)? | ¿Cántos veciños do concello cobran axudas económicas da Lei de Dependencia? | |
| Concello de Cervo | 65 | 17 | 4 | 5 | 5 | 2 | 0 |
| Concello de Xove | 64 | 24 | 13 | 4 | 6 | 1 | 1 |
| Concello de Barreiros | 89 | 31 | 12 | 2 | 4 | 3 | 2 |
| Concello de Aloz | 109 | 32 | 17 | 4 | 17 | 4 | 3 |
| Concello de Vicedo | 49 | 16 | 8 | 1 | 3 | 3 | 1 |
| Concello de Ribadeo | 201 | 62 | 0 | 2 | 13 | 8 | 0 |
| TOTAL | 577 | 182 | 54 | 18 | 48 | 21 | 7 |
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
