Seguen en Burela as actividades da Semana Europea da Mobilidade. Hoxe de 16:30 a 18:30 horas haberá circuito de karts no pavillón dos institutos e ás 19 horas ensaio público da asociación Batuko-Reventola na praza da Mariña. Para mañá mércores están previstas varias actividades. De 17 a 19 horas “Dispara a gol” co clube de fútbol sala na praza da Mariña na que participarán os xogadores e xogadoras do Burela FS, que entregarán balóns firmados por eles/elas aos que acudan a esta cita e regalarán invitacións para asistir ao encontro que disputarán o Burela FS Pescados Rubén e o Ponte Ourense.. De 16:30 a 18:30 horas circuito de bicicletas no pavillón dos institutos e tamén de 16:30 a 18:390 horas lectura colectiva organizada pola asociación cultural Vagalume na praza do Concello.
Na xornada de onte luns os nenos de 4º de primaria do colexio Vista Alegre participaron na actividade denominada “Paseando ao colexio”. Segundo explicou a concelleira de Medio Ambiente, Patricia López Eijo, “sairon do centro ás 10 da maña, e a pé e acompañados por un policía local chegaron ao Concello, onde recibiron información sobre educación vial. Un policía local tamén lles fixo a proba de alcoholemia. A continuación os rapaces visitaron o Concello e entraron no despacho do alcalde. O circuíto de bicis de pola tarde foi un éxito total, aínda que os nenos prefiren utilizar os karts, polo que alternamos circuítos en bicicleta con circuítos en karts”. O ensaio público do grupo de corda da Escola de Música realizóuse finalmente na escalinata de entrada á Casa da Cultura, “xa que aquí o sonido dos instrumentos é mellor que na praza”. A este ensaio acercáronse un grupo de xente (entre 20 e 30 persoas) que estiveron moi atentos ás explicacións de Xan Carballal, o director da Escola de Música, e á interpretación de distintas obras por parte dos rapaces do grupo de corda. Xan Carballal explicou en primeiro lugar as funcións dun director de música e tamén cada unha das obras, “en definitiva, intentou que os asistentes coñecesen un pouco máis como é un ensaio da Escola por dentro”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
