Nota de prensa:
VISTA ALEGRE E O BURELA FS BÓTANLLE UN PULSO AO IMPOÑENTE PONTE OURENSE (SÁBADO 24, 17.30 HORAS)
O excepcional ambiente de Vista Alegre e o Burela FS Pescados Rubén botaranlle un pulso ao impoñente Ponte Ourense, que recala en terras mariñás como un dos serios candidatos ao título cun cadro avalado pola liga 2010-11 e a supercopa. O derbi galego terá lugar este sábado, 24 de setembro, na terceira xornada de Primeira División Feminina, a partir das 17.30 horas.
As pupilas de Pardeiro, sen baixas, tratarán de continuar co perfeccionamento do xogo e o engarzamento do equipo despois da primeira vitoria laranxa da tempada (Soto del Real 0-2), ante un rival que tras o magnífico inicio de liga, ante o novel Majadahonda (2-11), a xornada pasada tivo que conformarse co xustiño empate do Cajasur Córdoba (2-2) no debut ante a afección ourensá.
As ausentes nas filas pontinas serán a gardameta Sara, que xa non puido comezar a tempada por unha lesión de ombro que a manterá varios meses afastada da competición, e a ala-peche Laura, cun problema de menisco, cuxo alcance está pendente de valorar polo persoal médico. A estas dúas baixas, súmanse, segundo a información facilitada polo club ourensán, as molestias que levan arrastrando Marta, Ampi e Souza.
Antes do asubío inicial, Vista Alegre gardará un minuto de silencio en memoria do socio burelista Martín Iglesias Verdes, falecido esta semana.
Televisión de Galicia. O encontro poderase ver en directo a través de www.crtvg.es e en diferido por TVG2, ese mesmo día ás 20.00 horas, despois do Alcorcón-Deportivo (Segunda División de Fútbol), previsto para as 18.00 horas. O xogador do Burela FS Christian Palmeiro, da Segunda División, colaborará na retransmisión como comentarista.
Abonos 2011-12. Os socios/as burelistas poderán recoller mañá os carnés 2011-12 na bomboneira, a partir das 16.30 horas. O horario de atención da sede laranxa (avenida Arcadio Pardiñas, número 97, entresollado) é de luns a venres entre as 10.00-14.00 e as 16.00-20.00 horas.
O derbi en cifras
Nos catro partidos entre o Ponte Ourense e o Pescados Rubén da Primeira División, a balanza decántase levemente polo conxunto das Burgas, con dúas vitorias (5-3 en 2009-10 e 1-5 en 2010-11), mentres que as laranxas se impuxeron nunha ocasión (5-2 en 2009-10); no último enfrontamento, en febreiro de 2011, o derbi quedou en táboas (1-1). A Copa Galicia é outro cantar, no que o ritmo vén marcado pola escuadra burelá, bicampioa da cita. En 2009, as mariñás venceron as ourensás en semifinais por un contundente 0-6; en 2010, ambos os cadros se viron as caras na final, que volveu caer do lado laranxa (0-2).
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
