Nota de prensa
SUÁREZ BARCIA VALORA POSITIVAMENTE O PROXECTO DE PROTECCIÓN DO PATRIMONIO ARQUEOLÓXICO SUBACUÁTICO QUE HOXE SE PRESENTOU EN RIBADEO. O ALCALDE PEDÍULLE Á XUNTA QUE AS PEZAS QUE SE RECUPEREN NA RÍA QUEDEN AQUÍ, PORQUE “CONTAMOS CON ESPAZOS ACOLLEDORES PARA ESTES RESTOS”.
Ribadeo, 27 de setembro de 2011. O alcalde, Fernando Suárez, valora de xeito positivo o proxecto de protección do patrimonio arqueolóxico subacuático que hoxe se presentou en Ribadeo. O rexedor pedíulle á Xunta que as pezas que se recuperen na ría de Ribadeo queden aquí, porque “contamos con espazos acolledores para eses restos, unha vez que se sometan aos tratamentos correspondentes”.
No acto que se desenvolvía esta mañá Suárez Barcia valorou positivamente “o acordo ao que chegaron entre o Ministerio e a Xunta para, singularmente na ría de Ribadeo, dar cumprida execución a unha idea que se suxeriu hai tempo a través dunha asociación de submarinismo, creada recentemente, Illa Pancha, que nos alertou dunha serie de restos de arqueoloxía submarina que estaban no canal en diferentes posicións dentro da ría de Ribadeo e que era unha pena que produto de inmersións non autorizadas ou de dragados puideran acabar perdidos para sempre”.
O alcalde agredeceu que “dentro dos diferentes puntos do litoral vos acordásedes tamén da ría de Ribadeo. Esta ría ten un porto desde hai varios séculos que alberga riqueza arqueolóxica de incalculable valor. E tamén o resultado deste traballo que seguramente se localizará e quedarán marcadas as posicións deses pecios, seguro que haberá cousas que non se poderán mover e que será mellor que non se movan, será mellor que queden cousas grandes documentadas que nin se poidan mover nin se poidan roubar. Pero aquelas cousas que sí se poidan mover sería convinte sacalas á superficie e desde o Concello quereríamos facer, como lóxicamente nos correspondería, que estas pezas non foran para o Museo do Mar de Vigo, senón que articulásemos entre a Xunta e o Concello un lugar para que se quedasen en Ribadeo para o disfrute de toda a poboación local e de todos os visitantes. Temos espazos que poderían ser perfectamente acolledores destas pezas despois do tratamento lóxico de recuperación e de estabilización para que non se degraden”.
Fernando Suárez ofreceu “a colaboración máxima, como sempre ofrecemos, desde o Concello de Ribadeo, e pedirvos que utilicedes e que aproveitedes o voluntarismo e a entrega que ten esta asociación de submarinistas de Ribadeo. E moitas gracias por esta iniciativa tan positiva”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
