RIBADEO .- Ribadeo será en agosto deste ano o punto de chegada da XII Edición da prestixiosa regata internacional La Transgascogne. Así se presentou hoxe en rolda de prensa este evento de gran proxección para Ribadeo debido á súa repercusión mediática no país galo. A participación de Ribadeo como destino final da regata sóubose xa o pasado 7 de decembro no Salón Nautique de Paris 09, no que se deu a coñecer a participación da cidade no percorrido da proba náutica. A Trasgascogne 6.50 vense celebrando cada dous anos dende 1988 e é proba clasificadora para a mítica Mini Transat. A regata dará comezo na vila francesa o día 1 de agosto e conta coa colaboración da Consellaría de Innovación e Industria a través da Dirección Xeral de Turismo.
O director xeral de Turismo, Rubén Lois, explicou o respaldo que a consellaría de Innovación e Industria lle facilita á regata porque “cremos que Galicia debe de estar no mapa mundial das grandes competicións náuticas”. Segundo dixo, o deporte náutico está moi popularizado en Francia e por cada licenza coa que se conta en Galicia existen 15 licenzas no país veciño, de modo que “é un mercado turístico que debemos potenciar e aproveitar”. Segundo explicou Lois, na prensa do noso país, todos estes eventos náuticos son recollidos puntualmente, pero por parte da prensa francesa acadan unha cobertura similar á dunha grande proba ciclista e dedícaselle espazo diario nos xornais”. “Isto para Ribadeo é unha promoción e proxección internacional que non ten prezo”, matizou. Segundo explicou o director xeral de Turismo, o obxectivo de acoller este tipo de eventos é acadar que Ribadeo se converta no porto de referencia do turismo náutico do Cantábrico. “A celebración da regata La Transgascogne en Ribadeo vai marcar un antes e un despois en canto a turismo náutico se refire”, engadiu.
Na Transgascogne, que parte do Porto de Bourgenay, en La Vendée francesa, participan 80 embarcacións de 2,5 metros de manga e conta con deportistas de varios países europeos como Inglaterra, Francia, Bélxica, Holanda ou Italia. Os participantes, que moven con eles a un equipo dunhas 250 persoas, permanecerán durante dúas xornadas en Ribadeo e dispoñen de 28 horas de máximo para chegar navegando dende La Vendée até o porto cantábrico. Segundo explicou o presidente da Estación Náutica de Ribadeo, Gervasio Cao, o porto e a estación rexistran unha media de 400 paradas e a celebración desta regata na cidade é “o paso definitivo para que o porto de Ribadeo acade unha referencia internacional”.
Pola súa banda, o alcalde de Ribadeo sinalou que o feito de que a Dirección Xeral de Turismo financie este evento deportivo sen escala e unha mostra do seu compromiso coa cidade e amosouse confiado da repercusión turística para Ribadeo deste tipo de eventos, tanto na calidade do turismo como na súa internacionalización.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
