Nota de prensa
Os nacionalistas denuncian que o PP está a incumprir o disposto pola norma en relación coa atención primaria.
Estoa critica a existencia de infinidade de citoloxías sen analizar en Burela.
O BNG advirte que o PP está esperando que pase o 20N para suprimir a Area Sanitaria da Costa.
A Mariña, 18 de outubro de 2011. Unha representación do Bloque Nacionalista Galego da que fan parte Antonio Veiga Outeiro e candidatos da Mariña ao Congreso e ao Senado así como representantes da Plataforma sanitaria da Mariña mantiveron unha xuntanza na xornada de hoxe en Burela a fin de analizar a situación da sanidade na nosa Comarca e de xeito moi concreto a problemática creada pola proposta do PP da posta en funcionamento das Areas de Xestión Integradas, a paralización do “Plano Mellora” aprobado polo Parlamento de Galiza en 2007 así como as dificultades que está a vivir o Hospital e os Centros de Saúde da Comarca como consecuencia da política da Xunta de Galiza de recortes na sanidade pública.
O Candidato ao Congreso e Alcalde de Riotorto, Federico Gutiérrez Estoa, advertiu “da dúbidas máis que fundadas dos nacionalistas de que o obxectivo do PP é eliminar á área sanitaria da Costa e está esperando a que pasen as Eleccións Xerais. O BNG dixo no seu día que o PP estaba esperando a pasar as eleccións municipais para a supresión de áreas sanitarias e vimos como foron suprimidas por exemplo as do Barco, Verín e o Salnés. Isto significou que Ourense sexa unha única área sanitaria e outro tanto esperan facer en Lugo, que se non se fixo foi pola contundente resposta cidadá, polas manifestacións de Monforte e Burela”. Na mesma liña o candidato do BNG ao Congreso denunciou que “a supresión significaría a efectos prácticos unha perda de servizos por parte do Hospital da Costa, a centralización dos servizos en Lugo, e volver a situación sanitaria de fai de fai 30 anos onde o Hospital de referencia dos veciños da Mariña e as estradas camiño de Lugo. Pero tamén provocaría unha merma substancial da calidade asistencial con todo o que iso implica para o nivel de vida e benestar da poboación porque sabemos que a supresión das áreas sanitarias é o correlato da axenda que ten o PP para a privatización da sanidade”.
Noutra orde de cousas Estoa criticou “ a paralización xa en 2009 dun plano de potenciamento da atención primaria para o período 2007-2011 , denominado “Plano Mellora” co que se pretendía aumentar os recursos dos médicos de familia así como delegar neles determinadas funcións que desenvolvían os especialistas. Agás no caso da receita electrónica que se está a introducir con grande lentitude, no caso da Mariña os aspectos que se recollían neste plano seguen sen facerse realidade. Tanto é así que a paralización de determinadas obras de infraestrutura deixou sen servizo de fisioterapia a algún centro de saúde , ou as probas de citoloxía seguen sen realizarse na primaria, ou o servizo de retinografía carece de medios para poder aplicarse. Agora ben o caso máis sangrante dáse no incumprimento en materia de persoal sanitario ata o punto non se cumpre na maioría dos Concellos da Área Sanitaria que cada ATS se corresponda cun médico ou que en varios Concellos algúns médicos vense obrigados a atender a máis de 1250 cartillas”.
O candidato do BNG ao Congreso chamou “ a unha grande mobilización o 20 N, unha mobilización das mesmas dimensións que a que acolleu as rúas de Burela fai un ano para parar a política de desmantelamento da sanidade pública que está a levar adiante o PP. O 20 N, ten que ser unha mobilización decisiva para deixar claro aos Populares e aos Socialistas que a sanidade non é un gasto senón un investimento e que nesta cuestión non hai lugar para retallos. Non imos consentir que coa coartada de reformas constitucionais “ad hoc” se pretenda meterlle novas talladas á sanidade que son os que provocan as listas de espera, o feche de servizos nos nosos hospitais e centros de saúde ou a eliminación progresiva de ambulancias como aconteceu en Foz que só van en detrimento dunha peor calidade asistencial. Pensemos o que está a acontecer na UDO (Unidade de Dor de Burela) onde deixáronse de poñer as infiltracións para a dor a doentes graves que Seguen pendentes de analizar infinidade de citoloxías que se mandaron dende os centros de saúde. O 20 N ten que ser unha data para pararlle os pes a esa rebarbadora que son as políticas que Populares e Socialistas están a aplicar en relación cos servizos públicos”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
