O LADRILLO TEN QUE BAIXAR MOITO MÁIS
O mercado inmobiliario quedouse en punto morto. Os promotores e construtores da bisbarra estaban esperando o verán como auga de maio para meter algún carto no peto ou para amortecer as débedas que teñen con bancos ou caixas pero a realidade foi un fiasco.
Non existen sinais de recuperación e ninguén se atreve a aventurar cando tocará fondo nin durante canto tempo se prolongará o derrube. As vendas continúan coa súa esborralle. Din que este verán vendéronse na Mariña un 38% menos de vivendas que o ano pasado e marcan novos mínimos históricos. O sector do ladrillo atópase no centro dunha tormenta perfecta cuxo orixe hai que buscalo nas malas perspectivas económicas, o deterioro da capacidade adquisitiva dos mariñáns e a nula compra de segunda vivenda por parte de madrileños e afíns , todo isto empeorado por anos de crises e unhas entidades financeiras que non se deciden , nin poden abrir a billa do crédito.
A venda de inmobles converteuse nunha quimera. Por toda A Mariña as terrazas con carteis de véndese» convertéronse nun elemento case inherente á paisaxe urbana da costa. Os expertos coinciden en que a solución a curto prazo pasa por unha inevitable rebaixa dos prezos; e iso que, segundo datos oficiais, as cifras xa recollen un descenso do 25% de media con respecto ao momento álxido da burbulla inmobiliaria, en 2007. Din tamén que non se trata dunha nova recaída do sector, é o axuste que non se chegou a realizar, a drenaxe do «stock» de inmobles sen vender, só é posible cun recorte adicional de entre o 30 e o 40% na valoración dos pisos.
É certo que o mercado é heteroxéneo: vivendas de segunda man baleiras. Pisos e apartamentos novos , vivendas a medio construír, casas e pisos hipotecados e embargados. Pero os expertos cren que a baixada deberá de ser xeneralizada e que no caso das residencias de costa, hai moito produto invendible, que non se colocará nunca a un prezo razoable.
Máis aló da perda de atractivo económico da vivenda, antes escoitábase : “Vou mercar un piso aquí na Mariña e ademais de vir de vacacións un mes é unha inversión segura cada ano soben e moito”, iso acabouse, pero o principal freo á demanda constitúeno as dificultades de financiamento, os receos da banca á hora de conceder hipotecas. Si as entidades non financian non se pode comprar.
Inmobiliarias e promotoras acusan á banca de ofrecer facilidades de financiamento case de forma exclusiva aos compradores dos pisos que figuran ao seu nome tras embargos.
Lamentablemente, a crise alárgase. Os últimos datos apuntan claramente a que o enfermo non mellora. E A Mariña terá por moito tempo esqueletos de formigón como os de Barreiros, San Ciprian, Foz, Viveiro…..
Otero Regal
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
