NOTA DE PRENSA
Co gallo dos actos organizados polo 25 de novembro, día internacional de loita contra a violencia machista
A ASOCIACIÓN A SOMBRIZA CONVOCA O CONCURSO ESCOLAR DE CARTEIS PARA A SENSIBILIZACIÓN CONTRA A VIOLENCIA DE XÉNERO
O fallo do xurado darase a coñecer o 25 de novembro e o premiado obterá unha tablet pc e o seu cartel impreso será distribuído por distintos centros educativos da nosa comarca.
No certame artístico, que celebra a súa terceira edición consecutiva, pode participar o alumnado de secundaria de todos os institutos da Mariña lucense.
Cervo, 26 de outubro de 2011.- A asociación cultural A Sombriza vén de convocar a terceira edición do concurso escolar de carteis para a sensibilización contra a violencia de xénero. A través desta actividade A Sombriza pretende concienciar e sensibilizar á sociedade da Mariña e, de xeito destacado, ás xeracións máis novas, para que se comprometan na erradicación da violencia machista.
O GAÑADOR RECIBIRÁ UNHA TABLET PC
A proposta do colectivo cultural mariñán vai dirixida a todos os alumnos dos institutos de secundaria da nosa comarca que por un día queiran converterse en publicistas e para iso elaborarán un cartel co que chamar á atención no combate desta violencia sexista. O xurado, fallará o premio o día 25 de novembro e agasallará ao equipo ou alumno gañador cunha tablet pc.
Os traballos poden presentarse en soporte papel e/ou formato dixital, sendo a cor e a técnica utilizada libre, sempre que permitan unha correcta reprodución de imprenta. Os arquivos en formato dixital, poden remitilos á dirección de correo asombriza@yahoo.es. Os carteis que optan ao premio deberán ser orixinais e inéditos, non son válidos os que xa foron presentados noutros concursos e non deben supoñer en todo ou en parte, copia ou plaxio de obras publicadas doutros artistas. Cada concursante poderá presentar como máximo dous traballos con un lema diferente para cada un deles.
EXPOSICIÓN DE OBRAS PARTICIPANTES
A obra gañadora ilustrará os carteis e/ou folletos que se editen con motivo do 25 de Novembro do ano 2011 e serán distribuídos entre os distintos concellos e institutos da Mariña.Os carteis non premiados, poderán ser expostos nos actos que se realicen por parte do colectivo cultural A Sombriza, só ou en colaboración con outras administracións, en conmemoración do 25 de Novembro.
GRANDE ÉXITO NA PASADA EDICIÓN
Na pasada edición o concurso contou cunha grande participación do alumnado dos institutos de secundaria da Mariña lucense -convidados a participar no concurso- e recibíronse 67 láminas, moitas delas elaboradas polos alumnos que cursaban materias de debuxo ou ensinanzas plásticas. O gañador da pasada edición foi Juan Mario Lawicki Aragón, estudante de primeiro de bacharelato do IES Perdouro de Burela e o seu cartel será distribuído en todos os centros educativos de secundaria.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
