SOBRE A SUBIDA DE IMPOSTOS E TAXAS MUNICIPAIS EN BURELA
Só tiveron que pasar catro meses para que ao goberno municipal do PP en Burela lle caese a careta e puidésemos descubrir a súa verdadeira faciana e as mentiras sobre as súas promesas electorais.
Porque despois de catro meses de goberno municipal, o PP de Burela, seguindo a política instaurada polo seu partido na Xunta de Galiza e nas comunidades que goberna, fai recaer en todos os veciños un aumento dos prezos dos servizos municipais para ocultar a súa ineficacia na xestión.
Coa excusa da crise e da, din eles, mala situación económica do concello (unha cantinela xa esgotada e que empeza a cansar entre os veciños…), o PP de Burela vén de aprobar a subida dunha serie de conceptos por servizos e impostos municipais que non son de recibo nestes momentos en que tantas familias do noso concello están pasando apuros economicamente falando.
E falabamos de mentiras e da auténtica faciana do PP de Burela porque o ano pasado ao portavoz deste grupo, hoxe Al calde, enchíaselle a boca pedindo a conxelación e baixada de certos impostos municipais porque eran momentos difíciles para moitas familias e non había que subir estes prezos municipais. E o propio PP de Burela ofrecía no seu programa electoral para as pasadas eleccións municipais a non subida dos impostos municipais.
Pois ben, onte no Pleno, o PP de Burela aprobou, co noso voto en contra, as seguintes subidas das taxas municipais: subida dun 3,1 % no imposto de vehículos que pagamos todos os veciños, subida tamén dun 3,1 % no lixo, na expedición de documentos (certificados de empadronamento, por exemplo), na taxa por sumidoiros, nos vados, nas licenzas urbanísticas e, entre outros máis, na matrícula da Escola de Música (por certo, o PP de Burela acaba de eliminar a exención, que eles mesmos crearon hai moitos anos, desta matrícula para os membros da Banda de Burela). E mente o Alcalde cando di que esta subida é por lei ao estar marcado en 3,1 % a subida do IPC no que vai de ano. Os Concellos non teñen obriga de subir o IPC nas súas taxas municipais e no anterior goberno municipal mantivemos sen subir nin sequera o IPC nestas taxas durante dous anos. Pero agora o PP sobe estas taxas non porque a lei o obrigue senón porque quere. Claro que, ao mellor, estas subidas para o Alcalde non supoñen moito dado o soldo que cobra pero si van supoñer moito para numerosas familias do noso pobo.
Todo o anterior refírese a prezos e taxas xa existentes, pero o PP de Burela vai máis aló e, no seu afán recadatorio, inventa tres novas taxas municipais para cobrar aos veciños: a de utilización de calquera edificio ou local municipal por parte de colectivos e asociacións que terán que pagar 10 € ao día, a de utilización das instalacións deportivas municipais (20 € á hora por utilizar os campos da Marosa ou os pavillóns e 3 € á hora polas pistas de tenis e pádel) e, por último, casar polo civil na Casa do Concello de Burela vai custar 100 €.
E deixamos para o final a subida máis sangrante: a auga. Todos os veciños de Burela pasaremos de pagar a 0,22€ o m3 de auga a pagar 0,62€ o m3. A auga en Burela vai custar máis de 100 das antigas pesetas cada m3 (só o consumo, os outros conceptos á parte). Case un 200 % de subida… e sen aplicar aínda a subida que a Xunta de Galiza do PP nos ten reservada a todos os galegos coa Lei de Augas que aprobaron antes das eleccións municipais.
En resumo, esta é a política social do PP: subir os impostos e as taxas municipais que pagamos todos os veciños de Burela. Cobrar por todo e non incrementar servizos (ao contrario, recortalos… véxase o que pasa coas actividades deportivas ou co anuncio de pechar o local que utilizan os nosos maiores para o seu lecer).
Neves Cando, portavoz do BNG no concello de Burela
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
