Nota de prensa
BIC GALICIA PROMOVE EN LUGO UN SEMINARIO PARA FACILITAR A CREACIÓN DE NOVAS EMPRESAS
O encontro organizado por Economía e Industria inclúe formación teórica e práctica e a titorización de cada un dos 23 proxectos en desenvolvemento que participan
A acción formativa ofrece asistencia a emprendedores para realizar un plan de empresa e estudar a viabilidade técnica, comercial, económica e financeira do seus proxectos
Lugo, 29 de outubro de 2011.- A Consellería de Economía e Industria, a través da sociedade do Igape Bic Galicia, organiza a partir do próximo mércores, día 2 de novembro un seminario de creación de empresas na cidade de Lugo, en colaboración coa Fundación CEL Iniciativas por Lugo.
Este seminario para facilitar a creación de novas empresas desenvolverase na propia sede da Fundación CEL e está destinado a emprendedores cunha idea de negocio xa madura que queiran dispoñer de asistencia para realizar un plan de negocio e estudar a viabilidade técnica, comercial, económica e financeira do seu proxecto contando co asesoramento dun titor. Está previsto que participen 23 emprendedores.
Os seminarios de creación de empresas que ofrece Bic Galicia teñen unha duración de 35 horas lectivas distribuídas en sete sesións, ademais doutras dúas xornadas destinadas a realizar titorías para facilitar asesoramento gratuíto aos promotores de cada un dos proxectos empresariais en desenvolvemento que participen no curso. Nas sete sesións os emprendedores reciben formación, metodoloxía e as ferramentas necesarias para o desenvolvemento do seu plan de empresa.
As persoas interesadas en participar nalgún destes cursos, que se celebran periodicamente, poden obter máis información contactando coa sociedade Bic Galicia, que conta con ampla experiencia en todos os ámbitos relacionados co apoio ao desenvolvemento e á consolidación e mellora da competitividade de empresas de nova creación.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
