Por Otero Regal
Nunha entrevista co defensor do menor lin “quizais habería que traballar menos e dedicarnos máis a educar os fillos”. Xusto deu no cravo. Vivimos indefensos ante a falta de respecto que moitos dos nosos adolescentes amosan a diario. ¿Responsabilidade dos pais? ¿Responsabilidade dos mestres?
A sociedade é hoxe máis permisiva do que foi nunca. Pero tamén é evidente que fallan algúns dos resortes que fan máis amable a convivencia na rúa. Non se trata de volver aos vellos usos de urbanidade (que se dicía na nosa nenez), pero si de restablecer algunhas pautas de conduta. Que os máis novos aprendan a respectar aos maiores que, se algo gañaron na vida, é cando menos certa consideración. Aínda non abandonamos a tribo.
Un sempre sempre creu que o que non se aprende na casa non se aplica na rúa. ¿Como van ser tolerantes os mozos se non o son os seus pais? As últimas xeracións de proxenitores pertencen xa ao modelo liberal, que renunciou a transmitir aos seus fillos os valores aprendidos na familia, responsabilizando os mestres dese labor. O Defensor do Menor así recoñéceo: “os pais teñen que cuestionarse o tempo que adican aos seus fillos”.
Os profesores están indefensos ante os alumnos máis agresivos. Os educadores (………?) de antes recorrían ao castigo físico e á imposición. Pero os de hoxe só teñen o poder da palabra e a convicción para poñer límites a os desmáns. E os pais tampouco poden recorrer ao cachete corrector, porque está non só mal visto, senón castigado pola lei. Así que hai fillos que manteñen os seus pais nunha ditadura permanente dende moi pequenos, porque son consentidos ata no último capricho (a síndrome do pequeno emperador); e de maiores, porque con esa altura e corpulencia que alcanzan, calquera os amedrenta.
Se os nenos aprenden o que ven na casa, e os nenos necesitamos que se comporten respectuosamente e non sexan agresivos, ¿que habería que facer con eles?,¿darlles unha “azouta a tempo”? Unha azouta é pegar, suave pero pegar, e moitas veces non é tan suave. Por non falar da cuestión da diferenza entre os contendentes, que bonito, un peso pesado zorregando a un peso mosquito, nin no boxeo profesional se permite. É unha enorme mentira que aos nenos non se lles pode educar sen pegarlles NUNCA, nin pouco nin moito. De feito é a forma de educalos, con agarimo, con respecto, con argumentos, utilizando a contención física cando é necesaria (por exemplo, agarrar da man a un neno que non che quere dala para cruzar a rúa, iso non é negociable), pero sen violencia. Así aprenden o que ven na casa: a tratar os demais como eles son tratados. Con cariño, con respecto, con argumentos. E non coa lei do máis forte .
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
