Nota de prensa
MERA FS-BURELA FS, CUARTOS DA COPA GALICIA
Tras a importante vitoria en Melilla (0-2) da semana pasada e antes de pensar na súa próxima cita en Vista Alegre, ante o Gasifred Ciutat d’Eivissa, o Burela FS aparta a axenda ligueira para internarse mañá nos cuartos da XXI Copa Galicia ante o Mera FS, da Segunda División B. O pavillón A Rabadeira de Oleiros acollerá o encontro ás 21.00 horas.
A escuadra laranxa medirase ao ex-equipo do meta Iago Barro, un rival que despois de 11 xornadas navega polo ecuador da táboa, con 4 vitorias, 4 empates e 3 derrotas; nas tres últimas xornadas, só puido facerse con 1 punto, ante o Coruxo FC (2-2) na casa.
Para esta cita, o Pescados Rubén contará coa ausencia practicamente asegurada de Juanma, por sobrecarga de aductores, e coas dúbidas de Ique e Clebinho, que arrastran senllas molestias.
Aínda que a diferenza de categoría lle colga o cartel de favorito ao Burela FS, os pupilos de Quique García terán que botar man da máxima concentración para manter afastadas as sorpresas do tipo das que xa foron vítimas nesta cita de cuartos os representantes da Primeira División, firmes candidatos á Copa, fronte a rivais de Terceira; mentres que o Autos Lobelle FS tivo que recorrer aos penaltis para impoñerse ao SD Pazos FS (2-2) o Azkar Lugo caeu eliminado ante o Bembrive (5-3).
O outro representante de semifinais sairá do enfrontamento entre o Club Noia FS e o Cidade de Narón, que terá lugar, tamén mañá, no municipal noiés ás 20.45 horas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
