Nota de prensa:
Panificadora 1-5 Riazor
Ante un desacerto arbitral que desconcertou a ambos os equipos e ao mesmo público, o Panificadora del Eo Ribadeo FSF deixou escapar os tres puntos do seu feudo, esta vez ante o CD Riazor FS da Coruña (1-5), equipo que con 45 goles a favor se alza como o máximo goleador de Autonómica.
As de Martínez, nerviosas e precipitadas no xogo en busca da primeira vitoria desta tempada, fóronse ao descanso cun marcador adverso de 0-2 por dous desafortunados goles nos minutos 10 e 14, ambos de Lorena, o primeiro logo dun rexeitamento da porteira Antía e o segundo por mor dun desvío dunha xogadora visitante.
Na segunda metade o Panificadora arriscouno todo exercendo unha forte presión sobre o rival coa que puideron acurtar distancias; Eva aos 5 minutos da continuación fíxose cun balón nos dez metros e bateu a porteira visitante de potente tiro pola escuadra dereita. Insistían as ribadenses na súa presión poñendo cerco á portería do Riazor, pero unhas veces a falta de acerto nos metros finais e outras as boas intervencións da meta desbarataron todas as accións locais.
No minuto 28 a visitante Sara conseguiu o 1-3 de tiro raso e forte. Este gol foi un xerro de auga fría para as ribadenses, que non foron capaces a repoñerse do golpe recibido. As coruñesas aproveitáronse da baixada das locais e así a falta de 4 minutos Lorena puxo o 1-4 e dous minutos máis tarde foi de novo Sara quen subiu ao marcador o 1-5 definitivo.
A próxima xornada o Panificadora volve xogar como local recibindo o Sada FSF, noveno con 9 puntos e debutante na categoría, que conta nas súas filas con xogadoras que competiron en categoría superior.
Provincial feminina. O Xoula, terceiro clasificado, mantén o seu posto ao golear a domicilio ao Viveiro FSF (0-6). Elvira, con catro goles, foi a verdugo do equipo viveirense; Fátima e Iria remataron a faena. As ribadenses desprazaranse o vindeiro sábado a Quiroga en busca da segunda praza que ostenta o equipo local por goal average; ambos suman 12 puntos con tan só 1 partido perdido dos 5 disputados.
Provincial masculina. O Ribadeo non puido manter o cuarto posto ao caer derrotado en Sarria por 5-3 ante o Hotel Roma. A próxima xornada tocará descanso para os ribadenses.
Ficha técnica
Panificadora do Eo-Ribadeo FS: Antía, Ana, Eva, María e Elena, cinco inicial; tamén xogaron Toñi, Sabela, Marta e Arancha.
CD Riazor FS: María, Paula, Sara, Alba e Lorena, cinco inicial; tamén xogaron Rocío, Vitoria, Yesica e Nuria.
Árbitros: Jorge Goyos López e Vanesa Fernández Fernández (cronometrador), delegación de Lugo. Mostraron cartóns amarelos a María polas visitantes e a Toñi, María, Elena e Martínez (adestrador) polo Panificadora.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
