Nota de presna
VILLARES PÍDELLE Á DEPUTACIÓN QUE REMATE A VÍA DE UNIÓN ENGTRE O POLÍGONO DE CUÍÑA E A ESTRADA N-642
O alcalde cervense cree que o remate desta nova vía é fundamental para facilitar o asentamento de empresas nesta área industrial
O Concello leva agardando máis de cinco anos a que o organismo provincial asuma o seu compromiso de finalizar estas obras
Cervo 17 de decembro de 2011.- O alcalde de Cervo, o popular Alfonso Villares, reiterou unha vez máis a necesidade de que a Deputación de Lugo execute as obras da vía de acceso entre o núcleo de Espiñerido (na N-642) e o polígono industrial de Cuíña. O rexedor lembrou que o Concello se dirixiu oficialmente ao ente provincial por última vez solicitando esta actuación o pasado mes de outubro “sen que ata o momento teñamos obtido ningún tipo de resposta ás nosas peticións” salientou Villares.
Nesta última notificación, o Concello recordáballe aos responsables provinciais que a devandita obra foi un compromiso adquirido pola Deputación. A este respecto o alcalde lembrou que xa no seu día -cos anteriores xestores da Deputación- se iniciaran as xestións para materializar esta nova vía de comunicación: “Nunha primeira fase actuouse nuns 800 metros, para os que se levou adiante a expropiación dos terreos. Posteriormente se construíu a ponte sobre a vía de FEVE e se fixo a explanación dos terreos. Agora -proseguiu- o que resta por facer é acometer a expropiación do tramo restante, duns 700 metros de lonxitude, e a execución e remate completo da vía” explicou Villares.
O rexedor cervense recalcou que o Concello leva agardando máis de cinco anos a que a Deputación asuma o seu compromiso de rematar estas obras, “e por iso, creemos que deben tomar cartas no asunto dunha vez por todas porque se trata dun asunto que é exclusivamente da súa competencia”.
Obra fundamental para impulsar a creación de emprego
Alfonso Villares cualificou o remate desta nova vía de acceso ao polígono de Cuíña coma “fundamental” para facilitar o asentamento de empresas nesta área industrial. Ao fío disto lembrou que o Concello puxo en marcha recentemente unha serie de medidas para impulsar a creación de emprego mediante incentivos fiscais aos empresarios e autónomos interesados en asentarse no polígono de Cuíña. “Modificouse o imposto municipal sobre construcións para bonificar o 95% desta taxa para aquelas empresas, comercios e industrias que se queiran asentar no polígono industrial de Cuíña; e tamén se suprimiron dous coeficientes impositivos da ordenanza municipal de licencia de apertura de establecementos, o que supón unha baixada de ata un sesenta por cento, do importe das taxas a pagar por aqueles establecementos, empresas e industrias que desexen asentarse no termino municipal” salientou o rexedor.
Dende o Concello de Cervo entenden necesario incentivar o asentamento comercial e industrial no municipio para conseguir acadar un obxectivo final: a creación de postos de emprego. “Consideramos que debemos poñer a disposición de tódolos emprendedores as maiores facilidades para poder levar adiante os seus proxectos e a súa actividade, ben sexa comercial, industrial ou empresarial; porque si así o fan, será algo que redundará no beneficio de tódolos cervenses. O factor fundamental que nos debe mover a todas as administracións é colaborar entre todos para apoiar a creación de emprego e por iso lles reclamamos á Deputación provincial que non se esquezan da súa obriga de levar adiante este vial, co cal de lle dotaría ao polígono de Cuíña dunha vía de acceso directa á estrada nacional N-642” indicou Villares.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
