NOTA DE PRENSA.-
INAUGURACIÓN DA EXPOSICIÓN
“XOVE CON MOITA ARTE II”
Hoxe, mércores 21 de decembro, ás 19:00 horas na Sala de Exposicións do Centro Cívico, vai ter lugar a inauguración da IIª edición da Exposición XOVE CON MOITA ARTE. Na mesma imos contar co Alcalde Demetrio Salgueiro, a Concelleira de Cultura Dolores Meitín e tódolos/as artistas que participan.
Esta exposición, organizada por primeira vez o pasado ano polo Nadal, pretende ser un refrexo da creatividade artística do noso pobo, xa que nela teñen cabida tódolas persoas con inquedanzas no mundo da arte.
Dende a Concellería de Cultura realizouse unha convocatoria á que acudiron 16 artistas, tres máis ca primeira edición, a tódolos cales se lles propuso expor parte da súa obra.
Ao tratase de tantos artistas, a exposición é moi variada, con traballos de todo tipo, inda que prima a pintura, en especial os óleos.
Os/as artistas participantes son:
-Henar Diéguez (2 debuxos a lapis e 2 pinturas sobre tela).
-Josefa Bermúdez ( 3óleos).
-Amadora Casabella (3 óleos).
-Enrique Toral (3 óleos).
-Yésica Cociña (3 series de debuxo con rotulador sobre papel).
-Mónica Ouro (1 óleo).
-Andrea Castro (2 gravados, 1 pequena escultura-instalación e 1 obra de técnica mixta).
-Mª Pilar Corgos (3 óleos).
-Manuel Fernández (3 óleos).
-Remedios Míguez (1 debuxo a lapis e 3 debuxos a plumilla sobre papel).
-Francisco González (3 óleos).
-Xoan Manuel Guerreiro (1 óleo).
-Antonio Mendaña (3 óleos).
-Mª Luisa Ocampo (2 obras de cestería con gravado e 2 con bolsas de plástico recicladas).
-Lucía Ben (3 obras de pintura con area de cores).
-Rodrigo Baño (2 mesas esculturas).
A exposición vaise abrir ao público mañá, xoves 22 de decembro ás 18:00 horas, e vai estar aberta diariamente ata o domingo 8 de xaneiro, en horario de 18:00 a 22:00 horas. A entrada á mesma hai que facela pola Cafetería Centro Cívico, que se atopa na planta baixa da sala de exposicións.
Esta actividade está inscrita dentro do ampolo Programa de Actividades que o Concello de Xove, neste caso a través da Concellería de Cultura, organizou para este Nadal 2011-2012.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
