UN NADAL ECOLÓXICO
Cada ano celébrase Nadal. Todos festexan o Nadal: cristiáns e non cristiáns, crentes e ateos, ricos e pobres, todos. Pero poucos saben o seu significado. Que fixemos desta sublime festa ?Desfigurámola?. Cando se achega 24 de Decembro o que hai é unha axitación enfermiza ao redor das cousas materiais: que os agasallos, que os adornos, que armar o nacemento, que xuntar as cousas para facer unha grande festa na “Noite Boa”. Ou sexa: amigos, festa rachada, enchentes e alcasenser… Todo para poder dicir: ¡ah!, que ben estivo o nadal.? Ou queixarse: “O Nadal xa non é como antes.” Así, até os que non creemos en Deuses e os indiferentes celebramos o Nadal. Pero… Que é o que celebran? Unha inxente cantidade de persoas non o saben. Rebuscando o que non é esta celebración e aqueles consellos que freen o consumismo banal en que a convertemos.
Traemos aquí, pois Consellos para un Nadal mais ecolóxica e solidaria por Ecoloxistas en Acción
Coa chegada do nadal chega a época do malgasto e do consumismo por excelencia. O nivel de consumo dos países do Norte, que ten como un dos seus momentos clave o nadal, está a producir unha grave deterioración na contorna e leva asociado, ademais, a explotación de seres humanos.
– Non malgastar enerxía. O consumo de electricidade supón graves problemas ambientais. Pódese facer un uso racional reducindo a compra de produtos superfluos e innecesarios para cuxa fabricación fai falta moita enerxía, ou con algo tan sinxelo como a utilización de lámpadas de baixo consumo e electrodomésticos eficientes e útiles.
Tamén é importante utilizar o transporte colectivo, co que non só se aforra enerxía senón que se evita a contaminación acústica e atmosférica.
– Antes de mercar un agasallo é importante reflexionar. É necesario reducir o nivel de consumo. A compra excesiva e a acumulación de obxectos só conduce a non valorar o que se ten e ao esgotamento dos recursos naturais.
Cando se compran xoguetes convén non esquecer que teñen que ser algo instrutivo e pedagóxico, por iso é importante non regalar xoguetes bélicos ou sexistas.
Ademais, hai certos obxectos de consumo, como os teléfonos móbiles, con efectos sobre a saúde en menores poden ser moi prexudiciais.
– Ao mercar é importante lembrar unha serie de aspectos.
É recomendable estar seguros de mercar o contido e non o envase. Hai que evitar os produtos con envoltorios excesivos ou superfluos, do mesmo xeito que rexeitar as bolsas de plástico que dan nos comercios levándoas desde casa.
A comida precociñada implica máis envasado e consumo de enerxía. Os produtos frescos, de tempada ou menos elaborados resultan máis baratos, máis saborosos e teñen menos aditivos.
É importante non esquecer que algúns alimentos intrinsecamente ligados ao nadal, como os lagostinos, están a ser criados en moitos casos nos humidais costeiros tropicais, producindo graves danos para as economías locais e para a biodiversidade.
É importante mercar nas tendas do barrio. As grandes superficies comerciais son moi dependentes dun modelo de transportes enormemente devorador de enerxía, e ademais supoñen unhas condicións laborais inxustas para moitas persoas. Hai tendas onde se poden obter produtos con garantías de que foron producidos de maneira ecolóxica e pagando un prezo digno aos produtores, son as tendas de comercio xusto.
Tamén é imprescindible non mercar peles. Nin cosméticos que usen animais para a súa experimentación.
– É imprescindible non esnaquizar, os abetos e outras pináceas convertéronse nun obxecto de consumo de usar e tirar, que vai do monte ou o viveiro ao vertedoiro. Chama a atención que haxa viveiros dedicados exclusivamente á produción de árbores que van ao lixo (ao redor de 2.000.000 ao ano), nun país erosionado e con graves riscos de desertificación
Outros adornos do Nadal supoñen tamén enormes impactos. A utilización ornamental dos acivros en Nadal conduciu a que se atopen en grave perigo de desaparición, cos graves danos que isto supón para o ecosistema no que se desenvolven. Isto mesmo ocorre co musgo, que utilizan como adorno en beléns.
Por último, a febre consumista chegou a outras especies vexetais, como os ruscos , o musgo ou o muérdago, que están a ser colleitadas de forma insustentable.
Otero Regal
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
