Nota de prensa:
VEIGA INSTA AO PP A ESTAR “Á ALTURA DAS CIRCUNSTANCIAS E APOIAR O PAQUETE DE MEDIDAS ANTICRISE PARA A MARIÑA”
No pleno de mañá debaterase a proposta de acordo na que a Deputación instará á Xunta de Galiza a que tome unha serie de medidas concretas encamiñadas a paliar a grave situación económica na comarca da Mariña
Veiga afirmou que “queremos que o PP apoie esta iniciativa e que non se quede nun mero xesto de cara á galería nin un brinde ao sol, senón que se concrete en feitos xa que é o PP quen ten responsabilidades de goberno no goberno do país”
Lugo, 26 de decembro de 2011. O vicepresidente da Deputación de Lugo, o nacionalista Antonio Veiga, instou esta mañá ao PP a estar “á altura das circunstancias e apoiar o paquete de medidas anticrise para a Mariña”, que se debaterá mañá no pleno da Deputación. Esta iniciativa parte do BNG, aprobada polo equipo de goberno, e nela ínstase a dirixirse á Xunta de Galiza para que o executivo galego poña en marcha un plano de incentivación do emprego para a comarca da Mariña. En segundo lugar demándanse Planos de Acompañamento Social para aquelas persoas que se atopan en situación de desemprego, a comezar por aquelas persoas que se atopan sen cobrar ningún tipo de prestación, de cara a amortiguar a súa situación pero tamén de favorecer a súa inserción laboral. En terceiro lugar, liñas de financiación a conta do IGAPE para todos aqueles autónomos e PEMES da Comarca que se atopan atrapados en concursos de acredores e que como se consecuencia dos mesmos a súa viabilidade está en risco. E xa por último, a posta en marcha un Plano de Choque que fomente o consumo a fin de evitar o feche de centos de pequenos negocios
Veiga afirmou que “queremos que o PP apoie esta iniciativa e que non se quede nun mero xesto de cara á galería nin un brinde ao sol, senón que se concrete en feitos xa que é o PP quen ten responsabilidades de goberno no goberno do país”. E por iso, nesta liña, Veiga demandou “claridade” por parte dos populares, “que escapen do dobre discurso de por un lado afirmar que queren xerar emprego e por outro estar a dar a súa aprobación aos diferentes ERES no Parlamento Galego”.
Por todo isto, Antonio Veiga afirmou que “é o PP quen ten que dar agora a cara fronte á cidadanía que está sufrindo na súa pel a crudeza da crise nunha comarca como A Mariña na que nos últimos meses se produciu unha vaga de despedimentos en grandes empresas”. Así, afirmou Veiga, “continuaremos a esixir do PP que cumpra co seu papel á fronte da Xunta de Galiza e faga valer as súas competencias para poñer en marcha aquelas medidas que traten de evitar a destrución de máis postos de traballo na Mariña e no conxunto de Lugo, tal e como recollemos neste acordo que penso que debería ser unánime”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
