Nota de prensa
O PARTIDO POPULAR DE RIBADEO AMOSA A SÚA TRISTURA POLO PASAMENTO DE MANUEL FRAGA E AGRADÉCELLE A SÚA ATENCIÓN Ó NOSO CONCELLO.
O Partido Popular de Ribadeo recibiu con pesar a nova do pasamento do Presidente fundador do partido, D. Manuel Fraga Iribarne. Para a agrupación local ribadense a figura política de Fraga debe ser recoñecida en tanto que foi o creador deste inmenso partido que, grazas á súa incansable adicación e á súa valía intelectual chegou a gobernar en España, en Galicia e tamén en Ribadeo durante oito anos.
Manuel Fraga era, ademais, un namorado da nosa vila. Cada vez que se achegaba a Ribadeo por motivos políticos ou institucionais amosaba a súa admiración pola beleza da ría a carón da que lle gustaba facer unha plácida sobremesa. Algúns dos membros da Agrupación municipal do PP tivemos o inmenso pracer de acompañalo nestes anacos distendidos onde a súa cultura, a súa sabiduría e o seu percorrido persoal, intelectual e político abraiaba. Moitos afirmaron nestes días que era afable, cariñoso e con gran sentido do humor na súa vida privada, lonxe da súa faceta máis vehemente na política e nós podemos acreditalo.
O agarimo que o vilalbés sentía polo pobo de Ribadeo foille transmitido por dous ribadense ilustres: D. Dionisio Gamallo Fierros a quen lle unía unha estreita amizade, máis aló das profundísimas diferenzas ideolóxicas que os alonxaban, e Leopoldo Calvo-Sotelo, de quen o separou a súa traxectoria política pero con quen seguía mantendo unha magnífica relación persoal, feito que dá boa mostra da grandeza humana destes tres persoeiros.
Pero, dende a obxectividade, esquecendo o sentimentalismo que pode tamizar as apreciacións dos membros do Partido Popular, os máis de 15 anos de Manuel Fraga á fronte da Xunta de Galicia supuxeron para Ribadeo un cambio radical que converteu a nosa vila nunha pequena cidade dotada de servizos que ofrecen ós seus veciños unha indiscutible calidade de vida. Durante as súas catro lexislaturas en Ribadeo construíuse, por exemplo, o Auditorio, a estación de autobuses, o aparcadoiro municipal, o pavillón polideportivo, o albergue de peregrinos, a Casa da Ría, 80 vivendas sociais, o Centro de Día, o piso tutelado, a Casa da Xuventude; remozouse a Praza de Abastos; rehabilitouse a Torre dos Moreno, a Casa da Cultura e a Casa del Viejo Pancho; creouse a Escola Oficial de Idiomas, conseguiuse o Leader + Puente de los Santos, o Plan de Dinamización Turística; constituíuse o Centro Comercial Aberto e na comarca ampliouse o Hospital da Costa ou conseguíronse os terreos para o parque comarcal de bombeiros.
Todo isto sen unha análise profunda nin tirar de hemeroteca, só tomando unha serie de exemplos sen os que, a día de hoxe, nos custaría imaxinar o noso pobo. Ademais, Ribadeo, ó igual que o resto de Galicia gozou de servizos financiados pola Xunta de Galicia, algún dos que aínda se manteñen na actualidade: Técnico de emprego, Prevención de Drogodependencias, recollida selectiva, Oficina de Información Xuvenil e de Información ó Consumidor entre outros moitos.
En definitiva, que o PP de Ribadeo considera que lle debe render tributo publicamente a D. Manuel Fraga Iribarne como político receptivo sempre ás necesidades do noso concello.
Foi un traballador incansable, peza fundamental na transición á democracia, exemplo de honradez e adicación política, acérrimo defensor da súa terra galega,.. Gracias por todo DON MANUEL. No Partido Popular de Ribadeo nunca te esquenceremos. Descanse en paz.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
