Como acto inicial do Programa de Antroido que o Concello de Xove presenta cada ano, a biblioteca municipal de Xove organiza un “Concurso de caretas de antroido” destinado a tódolos rapaces e rapazas do concello. Os traballos terán que ter como base o papel, folio, cartón, etc; as caretas non poderán superar o tamaño dun formato A4, pero se lle poderán engadir outros materiais. Haberá as seguintes categorías: preescolar (nen@s de 3, 4 e 5 anos), de 1º e 2º de Primaria, de 3º e 4º de Primaria, de 5º e 6º de primaria e de 1º a 4º de ESO. Os traballos entregaranse na biblioteca ata o sábado 4 de febreiro. Haberá tres premios por categoría, consistindo en lotes de libros/material escolar. O fallo do xurado darase a coñecer antes do 18 de febreiro, e os premios ás mellores caretas entregaranse canda os gañadores dos premios infantís do Desfile de Antroido de Xove. Con tódolos traballos realizarase unha exposición na Biblioteca Municipal.
A biblioteca municipal de Xove organiza un concurso de caretas de Antroido
Relacionado
-
O vindeiro venres 19 de xuño, ás 20:30 horas, a Casa da Cultura de Foz acollerá un acto público organizado por A Pomba do Arco no que se analizará a situación actual no Oriente Medio
-
Ribadeo acollerá este domingo a terceira regata da Copa Deputacion de Piraguismo
-
A Festa de San Xoán regresará a San Cibrao o 23 de xuño cunha programación que combinará música, gastronomía e tradición
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
