Nota de prensa
O PP local critica a decisión do bipartito de subir os impostos municipais ante a difícil situación que se está a vivir en Mondoñedo
• Os populares ofrécense a xestionar aquelas áreas nas que o goberno local teña menos capacidade, sen custe ningún para o Concello, o que podería supoñer unha redución de persoal político
Mondoñedo, 28 de xaneiro de 2012- O Partido Popular de Mondoñedo critica a decisión do goberno local de subir os impostos municipais ante a difícil situación que está a pasar tanto o pobo como a comarca da Mariña. Coas últimas propostas adoptadas no pleno ordinario celebrado este xoves, o grupo popular resalta que o bipartito unha vez máis castiga o “peto” dos mindonienses incrementando as taxas municipais e incluso, segundo explica a portavoz local, Elena Candia, “creando algunha máis no noso concello”.
No canto de adoptar medidas para paliar a crise como están levando a cabo outras administracións, Candia asegura que o Concello de Mondoñedo prefire, neste momento, elevar as taxas que os veciños se ven obrigados a pagar incluso por servizos que a Administración local presta de forma “deficitaria”. Así, a portavoz local recorda a implicación do conselleiro de Industria, Javier Guerra, e cuxa colaboración se irá materializando nunha nova reunión prevista para o próximo mércores, ás 12:00 horas.
Na pasada sesión plenaria, o PP local tamén recordou as medidas adoptadas polo goberno bipartito na xestión do concello como son a viaxe a Uruguay (custeada con diñeiro público) ou Fitur, que supuxo un custe económico para o Concello pero, segundo Candia, “sen froito positivo para Mondoñedo e os seus veciños”.
Ante isto, o PP local pediu un cambio de rumbo por parte do goberno local e así, os populares ofrecéronse a xestionar áreas nas que o bipartito teña menos capacidade, e faríano sen custe ningún para o Concello. Esta oferta que lanza o PP local podería supoñer unha rebaixa no custe do persoal político do Concello.
Por último, o Partido Popular de Mondoñedo tamén manifesta o seu descontento pola non aceptación da moción que presentou unha vez máis en relación a creación dunha Comisión de Participación Cidadá. Os populares critican o voto en contra do BNG e do PSOE tendo en conta o traballo que están a facer as asociacións locais durante a situación que está a pasar a comarca.
PARTIDO POPULAR
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
