Nota de prensa
O PSdG-PSOE de Foz e o Grupo Municipal Socialista esta perplexo porque as poucas obras que se están efectuando dende o Concello se estean adxudicando a dedo e sen pasar por ningunha mesa de contratación.
O PSdG-PSOE de Foz e o seu Grupo Municipal manifestan que en Foz, co PP no goberno, volvemos ás andadas e as obras danse por amiguismos e a empresas de fora, mentres que os e os nosos veciños e veciñas están parados.
Resúltanos incrible que o Sr. Alcalde de Foz,despois de tanto queixarse dos planes de emprego elaborados polos Gobernos do Sr.Rivera e a Deputación Provincial dicindo que eran plans basura, agora sexa incapaz de facer absolutamente nada polos parados do Concello, salvo darlle os amigotes as escasas obras do Concello, e desprezando a iniciativa dos grupos da oposición PSOE e UNIFOZ, para elaborar un Plan de Emprego porque lle invadía as competencias.
A escusa dada polo Sr Castiñeira no pleno municipal de que antes tamén se contrataban empresas de fora do concello, dicirlle, que cando o anterior equipo de goberno sacou a concurso, por exemplo, o mantemento do alumeado público do Concello de Foz, na mesa de contratación estaban tódolos grupos políticos do Concello, si señor Alcalde, vostedes o PP tamén, sendo dado por unanimidade, o mesmo pasou cando se deu a Lei da Dependencia, vostedes estaban na mesa de contratación, igualmente cando se fixeron mais de 30 obras do Plan E, vostedes igual que o resto dos grupos estaban na mesa de contratación, cando se fixo a Piscina ,a Travesía de Foz, remodelación da Sala Bahía, etc,etc, sempre estaban os grupos da Oposición nesas mesas.
Quedámonos perplexos cando preguntamos no ultimo pleno si non había ningunha obra en case 10 meses para facer unha mesa de contratación e nos contestan, que como vai a facerse mesa de contratación si non hai obras para contratar, esto e algo insólito despois de anunciar a bombo e platillo non sabemos xa cantas inversións para o Concello de Foz.
Vamos cara atrás como o cangrexo, non existe ningunha ilusión para levantar este Concello e único que se lle ocorre dicir o equipo de goberno e o Alcalde é que non hai cartos, polo iso aos socialistas parécenos que non existe Goberno en Foz nin gana de facelo, pensamos que os veciños están esperando unha reacción do Goberno para evitar ter que marchar a outros lugares onde si podan encontrar unha nova vida ou polo menos ilusión da mesma.
Unha vez mais, temos que agradecer a boa disposición da Deputación Provincial que cumpriu co comprometido co Asilo de Foz enviando os 35.000 euros negociados polo anterior Goberno Municipal, destinados a sufragar parte do déficit existente na institución, do que non sabemos nada é do que reclamaba antes o Sr.Alcalde ao Sr.Rivera asegurando que había un acordo do Concello para darlle ao Asilo 30.000 euros anuais, si tanta seguridade tiña de que eso era así e que o Sr Rivera mentía cando dicía que era un acordo puntual para un determinado ano, dígalle vostede a opinión pública, cando lle vai entregar o asilo os 30.000 euros que vostede tiña tan seguro que había que entregar cada ano.
PSdG-PSOE, Grupo Municipal Socialista do Concello de Foz.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
