Nota de prensa:
Leis Pontevedra FS 2-1 Panificadora do Eo-Ribadeo FS
As xogadoras de Martínez realizaron un extraordinario xogo defensivo no Municipal de Pontevedra, aínda que viron frustrado o seu traballo no minuto 7 da segunda metade (2-1), no único descoido que lle daba os tres puntos a un experimentado Leis con xogadoras que veñen sendo habituais nas aliñacións da Segunda División.
O Panificadora presentouse en Pontevedra cun equipo minguado polas baixas que veñen sendo habituais nas últimas xornadas. A reaparición da capitá María e da porteira Vanesa pola ausencia de Antía, xunto co debut da cadete Carla Bolaños na categoría, foron as novidades ribadenses para que Martínez puidese presentar tan só nove xogadoras ante o potente Leis.
O 1-0 chegou a cinco minutos do final da primeira metade ao transformar Bego un penalti, moi protestado, co que o colexiado sancionou o equipo visitante ao considerar man dunha xogadora dentro da área. Anteriormente, o Panificadora, por mediación de Ana e da meta Vanesa, acariñara a posibilidade de adiantarse no marcador ao enviar senllos disparos á madeira da portería local tras dous roubos de balón, cando as pontevedresas atacaban con porteira xogadora.
Na continuación as locais seguían dominando e atacando de cinco, pero as visitantes defendíanse con acerto e enviaban, desde o seu propio campo, perigosos balóns cara á portería local. O único descoido defensivo das ribadenses chegou no minuto 26, momento que aproveitou Gema para bater a Vanesa e subir o 2-0 ao luminoso. Este tanto daría os tres puntos ao equipo pontevedrés. O Panificadora acurtou distancias tres minutos máis tarde por mediación da María ao enviar ás mallas, desde o centro do campo, un balón roubado ao ataque local. Este gol deu esperanzas ás ribadenses, que adiantaron as súas liñas e presionaron á saída de balón do equipo local; así Arancha, sobre o toque de bucina, dispuxo dunha nova ocasión nun balón que saíu rozando a escuadra.
O Panificadora recibirá a próxima fin de semana o Poio, outro dos filiais que tamén poderá contar con xogadoras de categoría superior ao non haber competición nesta xornada de Segunda.
Provincial feminina. O Xoula segue adiante e xa son oito as xornadas consecutivas sumando pleno, esta vez á custa do Viveiro FSF (6-1). As ribadenses dominaron durante todo o encontro, con chegada ao descanso dun claro 3-0. No reinicio as visitantes conseguiron marcar primeiro, pero a reacción das locais foi instantánea e o resultado ao final do encontro aínda puido ser máis amplo a favor das ribadenses. Polo Xoula xogaron Elena, Elvira (2), Sabela (1), Iria e Antía, no cinco inicial, ademais de Ana (3), Carla Bolaños e Yoli. O Xoula terá un difícil compromiso a vindeira fin de semana recibindo o Quiroga, un dos tres equipos que conseguiron vencer as ribadenses na presente tempada. O Quiroga é terceiro a 8 puntos do Xoula e con dous partidos menos.
Provincial masculina. O Hotel Roma de Sarria, líder, levou os tres puntos de Ribadeo nun partido con dominio alterno e cuxo resultado rompe as opcións dos mariñáns de achegarse aos postos de ascenso. Sen goles na primeira parte, na continuación foron os visitantes os que saíron con máis acerto ata poñerse cun parcial de 0-2. Os locais reaccionaron e conseguiron igualar, pero unha perda de balón no inicio do ataque dos locais nos momentos finais do partido facilitoulles aos de Sarria dun forte disparo pór o 2-3 definitivo. Diego e Sergio anotaron polo Ribadeo, que gozará da xornada de descanso a próxima fin de semana.
Ficha técnica
Leis Pontevedra FS: Luz Bugallo, Magali, Andrea Fachendosa, Silvia e Bego (1), cinco inicial; tamén xogaron Gema (1), Andrea Ferrón, Nati, Adriana, Carmen e Andrea Rodríguez.
Panificadora del Eo-Ribadeo FS: Ana, Toñi, Elvira, María (1) e Vanesa, cinco inicial; tamén xogaron Elena, Iria, Arancha e Carla Bolaños.
Árbitros: Varela Ortigueira e Mouriño Sanmartín, da delegación de Pontevedra.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
