Nota de prensa:
Desde Galiza Nova, organización xuvenil do BNG, da comarca da Mariña poñémonos en contacto co seu medio para achegar a nosa oposición á reforma laboral que vén de aprobar o novo Goberno do PP e anunciar os actos que desenvolverá a nosa organización na comarca da Mariña arredor desta reforma.
Galiza Nova non pode concordar con esta reforma por estar feita ao servizo dos intereses da patronal e tratarse dunha normativa “extremadamente agresiva” cas traballadoras e traballadores, tal e como xa anunciara o Ministro de Economía Luís De Guindos.
Deste xeito, co fin de achegar a nosa oposición a esta reforma e as alternativas que o nacionalismo achega, Galiza Nova da Mariña vén de convocar varias Asembleas Abertas en moitos dos centros de ensino da Mariña. Estas Asembleas abertas comezarán mañá, venres día 9, nos institutos de Ribadeo e Burela.
Na semana seguinte, o venres día 16, terán lugar as Asembleas Abertas dos institutos de Mondoñedo e Burela. Para acabar o venres día 23 nos institutos de Cervo e Foz.
Nestas Asembleas Abertas, Galiza Nova da Mariña, explicará aos alumnos da ESO e do Bacharelato, así como aos estudantes dos Ciclos de Formación Profesional, que esta reforma confirma a continuidade do novo Goberno do PP coa liña, xa fixada polo anterior goberno do PSOE, de obediencia aos dictados da UE, empeñada en medidas económicas de axustes e recortes que prexudican ás maiorías sociais, que son as que están a pagar as consecuencias desta crise económica.
Cremos que esta lei, como todas as anteriores, non servirá para crear emprego. Só contribuirá a precarizar aínda máis, o mercado de traballo, abaratar os despedimentos, abaratar os custes empresariais, rematar cos convenios colectivos e destruír os dereitos laborais polos que houbo que loitar durante décadas.
Galiza Nova, ao igual que fixo desde o comezo desta crise, oporase activamente a esta reforma e participará da contestación social defendendo os dereitos laborais das traballadoras e traballadores galegos e o futuro da mocidade galega.
Por iso, Galiza Nova da Mariña desenvolverá unha campaña defendendo que existen alternativas reais para saír desta crise económica. Políticas que non pasen por trasladar os custos da crise ás maiorías sociais mediante recortes de dereitos e que garantan o dereito da mocidade galega a un emprego digno e na Terra, sobre a base do desenvolvemento do tecido produtivo da nosa nación.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
