Tres puntos para o Panificadora a costa do Bembrive de Pontevedra (7-4)
Partido de rivalidade clasificatoria foi o disputado en Ribadeo entre o Panificadora del Eo-Ribadeo FSF e o CDM Bembrive de Pontevedra, ambos agora con 16 puntos, pero co “goal average” a favor das mariñás, coa undécima praza (7-4). Nuria conseguiu 4 dos 7 goles das locais.
As ribadenses, que se adiantaron no marcador no minuto 5 por mediación de Elvira ao rematar un saque de esquina, tiveron que superar un marcador adverso antes de marchar ao descanso. Bruna, no minuto 8, nunha perda de balón de Nuria, e Viviana, no 16, ao aproveitar un rexeitamento de Antía ao saque dunha falta, foron as encargadas de pór ao Bembrive por diante. Con 1-2 no marcador, as de Martínez presionaban moi arriba o seu rival, o que lles permitía facerse con balóns moi preto da portería visitante. Así, a falta de 7 segundos para o descanso, Nuria puxo táboas no marcador ao transformar un saque de falta próximo á área rival. Cinco segundos máis tarde, nun roubo de balón ao saque de centro das pontevedresas, Ana encargouse de transformar o 3-2 e adiantar as locais.
Na segunda metade, as mariñás non cederon na súa presión. Nuria, aos 2 minutos, subiu o 4-2 de xogada individual. Continuaban as do Panificadora na busca dun marcador máis amplo que lles permitise gañar o “goal average” e así Sabela, no minuto 27, conseguiu o 5-2. A partir de aquí, as locais viñeron un pouco abaixo, momento que aproveitaron as visitantes para subir liñas e acurtar distancias por mediación de Raquel a falta de 8 minutos. As pontevedresas decidiron atacar con porteira xogadora e, aínda que as locais defendían con orde e acerto, nun único fallo defensivo, as de Bembrive puideron, por medio de Eva, reducir distancias, con 5-4 no luminoso. Martínez viuse obrigado a solicitar un tempo morto para dar tranquilidade ás súas e ordenar subir de novo a defensa a campo rival. O resultado foi instantáneo, Nuria roubou un balón e materializou o 6-4. A falta de 3 minutos, de novo Nuria puxo o 7-4 definitivo ao rematar un bo pase de Ana.
Este resultado permítelles ás ribadenses desprazarse con tranquilidade a próxima xornada a Bertamiráns para enfrontarse ao FC Meigas, equipo que ocupa a penúltima praza e que a priori se presenta accesible para as mariñás.
Provincial feminina. O Xoula-Ribadeo non puido conseguir a súa novena vitoria consecutiva ao caer derrotado por 4-2 na súa visita ao Relúa de Xermade. Aínda que as mozas ribadenses se adiantaron con 0-2, non puideron coa maior envergadura física das locais e acabaron cedendo. Ana foi a autora dos dous goles ribadenses. A delegación de Lugo da FGFS ordenou o adiamento da última xornada de liga ao próximo día 14 de abril para permitir que neste período de tempo se xoguen todos os partidos aprazados. O Xoula deberá recibir o pechacancelas, Becerreá, na última xornada e disputar, tamén como local, os partidos aprazados co líder, Friol, e o Quiroga.
Provincial masculina. O Ribadeo non puido facerse cos tres puntos do partido de rivalidade local ao regresar de Cubelas con derrota (3-2). Ao descanso chegouse con 2-2 e o partido resolveuse nos últimos 40 segundos. Pablo e Jacobo foron os autores dos goles mariñáns. Este resultado impídelles aos ribadenses ascender posicións e deberán conformarse co quinto posto, á espera de recibir na última xornada o Abadín FS, o vindeiro sábado na casa.
Ficha técnica
Panificadora do Eo-Ribadeo FS: Antía, Toñi, Elvira (1), María e Nuria (4), cinco inicial; tamén xogaron Sabela (1), Ana (1), Elena, Iria e Eva.
CDM Bembrive: Ana, Raquel (1), Nerea, Viviana (1) e Eva (1), cinco inicial; tamén xogaron Sara e Bruna (1).
Árbitros: Diego Franco Veiga e David González Boyero, da delegación de Lugo. Mostraron cartón amarelo a Eva polo Bembrive
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
