O barreirense Borja Rocha, seleccionado pola elite nacional do surf como a mellor promesa lucense deste deporte
– Gómez Besteiro entregou ó mozo, de 21 anos, o premio convocado no marco do Surf-Camp, consistente nunha esponsorización completa durante un ano por parte da Presidencia da Deputación para que poida participar noutros campionatos
– Preto de 400 persoas participaron en total no encontro, que rematou hoxe cunha nova sesión deportiva na que xente de tódalas idades e de todo o Norte da Península, e mesmo de Alemaña, Holanda e Italia, compartiu olas en Esteiro cos mellores surfistas
– Unha vintena de profesionais desta modalidade deportiva, con proxección nacional e internacional, exerceron de monitores de xeito totalmente gratuíto, converténdose en embaixadores da Mariña polo mundo grazas a este evento
O barreirense Borja Rocha, de 21 anos, foi seleccionado pola elite nacional do surf como a mellor promesa lucense deste deporte, denominado rookie na linguaxe da modalidade deportiva, durante a celebración do segundo Km0 Surf-Camp Deputación de Lugo, que rematou hoxe despois de tres intensas xornadas de diversión e aprendizaxe. O Presidente, José Ramón Gómez Besteiro, foi o encargado de entregar o galardón ó mozo mariñano, unha apaixonado do surf, que recibirá unha esponsorización completa durante un ano por parte da Presidencia do organismo provincial para que poida participar noutros campionatos, nos que ademais será embaixador da Mariña. O patrocinio inclúe todo o material técnico necesario, por un valor superior a 2.000 euros: táboa de alta gama, funda, traxes de neopreno de verán e de inverno, accesorios, roupa, etc.
Ó galardón aspiraban cinco rapaces e unha rapaza da Mariña, elixidos segundo criterios de calidade polas escolas colaboradoras coa organización do Surf Camp: ¡Hola!Ola, de Ribadeo; North Shore Surf Club, de Barreiros; Surfiños, de Foz; The Van, de Viveiro e Sensación Surf Club. Para este rapaces, e para todos aqueles que participaron, este encontro foi un inmellorable escaparate de promoción, posto que os medios especializados como Surf Limit, Parafina, El blog de Occy, The Crazy Guecho, A Remojo, Fuel Surf ou Surf Galicia, así como membros das Federacións de Surf galega e española aproveitaron de seguro para chequear o nivel dos surfistas.
O multitudinario e intenso encontro Km0 Surf-Camp chegou hoxe ó seu fin cunha nova sesión deportiva na que 166 persoas de tódalas idades e chegadas de todo o norte de España e mesmo de Alemaña, Holanda e Italia compartiron olas na praia xovense de Esteiro cos mellores surfistas de España. Para o 90% dos participantes, esta foi a súa primeira inmersión neste deporte, que cada vez gaña máis adeptos. A acollida foi tal que que ás 11:00 da mañá, unha hora antes de iniciarse a sesión, xa había medio cento de persoas esperando para comezar e o aparcamento do areal acabou ateigado de coches. Os 166 amateurs que puxeron o traxe de neopreno para gozar da xornada de hoxe súmanse ós 230 inscritos nas actividades de onte sábado, co cal a participación global elévase a preto das 400 persoas.
As mellores condicións do mar para surfear e a ausencia de nubes potenciaron unha sesión na que os participantes se mostraron fascinados por poder aprender gratis e de primeira man de profesionais de tan elevado nivel como Aritz Aranburu -que viaxou á Mariña recén chegado de competir en Australia- Kepa Acero, Adur Letamendía ou Gony Zubizarreta. A vintena de profesionais, de proxección nacional e internacional, e moitos deles imaxe de grandes marcas comerciais, que exerceron de monitores durante toda a fin de semana neste encontro organizado pola Deputación e o establecemento ribadense ¡Hola! Ola fixérono de forma totalmente gratuíta, converténdose en embaixadores da Mariña por todo o mundo grazas a este evento. Na area concentráronse así mesmo ducias de persoas para ver a espectacular sesión de surf, entre eles moitos pais e nais que acompañaron ós nenos que se animaron a coller olas.
O mellor do surf
O campión Aritz Aranburu sumouse o mesmo día do arranque do Surf Camp á impresionante nómina de destacados surfistas cos que contou o evento e que, entre outros, componse dos seguintes: Kepa Acero -un dos free surfer máis famosos; Adur Letamendía -famoso por surfear grandes olas e actual gañador do Punta Galea EVE Challenge 2012-; Jaime Azpiroz; Gony Zubizarreta -o surfista galego máis laureado, gañador da última edición do San Miguel Zarautz Pro e 2º clasificado no Pantin Classic, 17ª na clasificación para o circuito mundial (WQS)-; Pablo Solar -actual seleccionador da Federación Española-; Indar Unanue; Marlon Lipke -un dos poucos europeos que acadaron clasificarse nos primeiros postos do circuíto mundial-; Hodei Collazo -clasificado na 2ª posición do circuíto mundial junior-; Pablo Gutiérrez -actual campión de Europa de surf-; Iván Villalba, Luis Rodríguez –segundo surfista galego máis laureado de todos os tempos-; Pablo Romero; Jaji Iglesias; Dani Aznar; Lucía Martiño; Erika Franco -ocupa a terceira posición do surf feminino español-; David Sastre; Yoli Rodríguez e Loiola Canales -campiona de España Sub-18 no ano 2011-.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
