UNIFOZ, ten que rexeitar unha vez máis as mentiras do Sr. Castiñeira e o seu E.G. do PP de Foz.
-Fai uns días dicía o Sr Alcalde que se non se aprobaba o plan de axuste podía haber problema co salario dos traballadores.
-Días máis tarde a proposta de UNIFOZ, modifica en parte o plan de axuste sacando ingresos (impostos aos veciños ) e recortando en gastos.
Despois de non se aprobar o plan de axuste, agora di que non hai problema que sairemos a diante.
E mañá que dirá?? É difícil encontrar a unha persoa que cambien tanto de postura e en tampouco tempo, sen criterio, con ameazas, coaccións, mentiras.
Di que non se aprobou o plan de axuste por PSOE e UNIFOZ, pois tamén é unha mentira, o plan de axuste que presentou so o votou a favor o E.G. do PP.
O PP de Foz, pretendía co seu PLAN DE AXUSTE subir os impostos aos veciños para ingresar cinco millóns de euros máis (5.000.000 €) nos vindeiros dez anos.(incluíndo a taxa de depuración), sen apenas tocar os gastos nin reorganizar os servizos. UNIFOZ,fíxolle unha única proposta ao Sr Alcalde , e díxolle ao Sr. Castiñeira as medidas que tiña que modificar para que UNIFOZ votara o plan de axuste (menos impostos aos veciños e recortar gastos e reorganizar servizos), o Sr. Alcalde foi modificando unha un día, outra outro día para tantear, UNIFOZ vista a posición o xoves antes do pleno por escrito díxolle o seguinte:
UNIFOZ non votará o plan de axuste con proposta de incremento do IVTM
UNIFOZ non votará o plan de axuste con proposta de incremento de tarifa para E. Deportivas
UNIFOZ non votará o plan de axuste con proposta de incremento para actividades culturais.
UNIFOZ non votará o plan de axuste con proposta de incremento do 100% das tarifas de publicidade en Radio Foz
Así pois o Sr. Alcalde coñecía a postura de UNIFOZ, moito antes do pleno, e si non se aprobou o plan foi pola súa negativa a modificar estas catro cousas, que pola su prepotencia e falta de consenso non lle deixaron ver o posible acordo.
As medidas expostas anteriormente supoñían uns 4.000 € (catro mil) en ingresos, que con poñer en festas – 4000 € (catro mil) ou noutras partidas, xa o tiña equilibrado.
O sr Castiñeira minte cando di que a culpa de non aprobarse o Plan de Axuste é de UNIFOZ, a culpa é da súa pouca seriedade e falta de consenso.
UNIFOZ, analizada a situación e vista a minoría de idade política e persoal do Sr. Alcalde, xa lle anuncia ao Sr. Castiñeira que non se sentará nunca máis a negociar sen que na mesa nos acompañe algún membro máis do goberno ou a secretaria do concello.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
