O Concello entregou 15 novos composteiros ás familias interesadas en reciclar residuos domésticos
-As persoas beneficiarias recibiron indicacións e consellos sobre a súa utilización
-Con esta nova remesa serán xa 73 as familias que practicarán a compostaxe grazas a estes elementos achegados polo Concello
-A administración local percorreu os fogares beneficiarios de anteriores entregas e comprobando os bos resultados desta práctica
Cervo, 9 de abril de 2012-O Concello de Cervo fixo entrega de 15 novos composteiros ao mesmo número de familias, as cales hai uns meses solicitaran acollerse ao programa de fomento da compostaxe doméstica que vén levando a cabo nos últimos anos o goberno cervense. No acto, que tivo lugar esta tarde no salón de plenos do Concello, participou o alcalde, Alfonso Villares, a edil de Medio Ambiente, Begoña Alonso así como membros das familias receptoras. Ademais de recoller os composteiros, as persoas beneficiarias escoitaron indicacións e consellos para a súa utilización, que lles permitirán ampliar o rendemento dos seus composteiros. Foi Plácido Pérez, un voluntario con anos de experiencia na compostaxe, o encargado de compartir os seus coñecementos cos novos beneficiarios.
Ata o de agora, o Concello entregara 58 composteiros ao mesmo número de familias, aos que se unen eses 15 elementos novos. Polo tanto, son xa 73 as familias que practican a compostaxe no municipio a través destes dispositivos que facilita e financia o ente local. “Con este programa de compostaje pretendemos potenciar este método de reciclaje y reutilización por sus numerosos beneficios, tanto para el medio ambiente como para sus usuarios, que disponen de abono para sus cultivos de forma natural, ecológica y sin ningún coste para ellos” explica a edil de Medio Ambiente, Begoña Alonso.
Un programa de compostaxe que forma parte das liñas do goberno de Cervo, entre as que se atopa o coidado e respecto polo medio ambiente e o máximo aproveitamento dos recursos dispoñibles. “Se trata de un programa con vocación de continuidad para que, poco a poco, todas las familias que quieran puedan hacer compost en sus casas y así aprovechar unos residuos que de otra forma se desecharían y no aportarían ningún beneficio” engade Alonso.
Deste xeito, dende o Concello animan á veciñanza a sumarse a esta práctica. “Las personas que lo deseen pueden anotarse como solicitantes de uno de estos dispositivos” asegura a edil. Pero ademais de entregar os composteiros de forma gratuíta, a administración cervense se ocupa de comprobar a súa boa utilización para asegurarse de que están a ter bos resultados e, ao mesmo tempo, coñecer as experiencias e as impresións das familias. De feito, a Concellería de Medio Ambiente realizou nas últimas semanas unha rolda de visitas aos domicilios beneficiarios nas que a súa titular puido comprobar que “la práctica totalidad de los beneficiarios está obteniendo compost y valora positivamente el resultado”.
Todos os composteiros están elaborados con plástico reciclable apto para a compostaxe de restos orgánicos e non implican ningún gasto, nin de consumo de enerxía nin de mantemento. Ademais, cabe destacar que preto do 40% do lixo que se xera nos fogares é materia orgánica que se pode converter en compost para abonar as terras de cultivo. Nos composteiros a materia orgánica degrádase a traves dun proceso biolóxico que da lugar a ese produto con excelentes propiedades para o solo.
Remitido
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
