INTERPRETACIÓNS
Baixo o título que encabeza, a artista M. Manxela (María Pérez Losada), ourensá licenciada en Belas Artes pola Universidade de Barcelona e profesora de artes plásticas en Palma de Mallorca, actualmente no IES Marqués de Sargadelos de San Cibrao, onde completa o seu último proxecto artístico, interpreta os entornos naturais que lle resultan mais próximos: os ríos ourensáns, as augas e os ceos de Mallorca e os horizontes da Mariña. No CENIMA de Foz penduran dúas ducias de acuarelas como mostra dun traballo que nace da identificación da artista coa natureza que a arrodea, e que dende o seu interior maniféstase a través da auga e da cor. “É – di a artista – unha viaxe polo meu interior que se reflicte no exterior”.A aportación poética, espontánea, do vate focego Paco Rivas, trovador do noso mar, pon na obra pictórica a expresión lírica que redobra a beleza para maior disfrute do espectador sensible, amante dos valores que transcenden a apreciación do puramente material : “ Polo serán,/esconde o sol un vermello, /un verde-azul vén do mar, / a lúa compondo versos, / pinta na miña ventá”, “Bicouse o sol coa Aurora / ao abrir o sol a ventá / bolboretas de alas rotas/ chorou o mar ao espertar”.Unha ducia de cadros que compoñen a serie “Horizontes” interpretan desde os sentimentos da autora outras tantas visións de anacos da Mariña. Sitúase no epicentro da paisaxe que a namora e dela absorve o néctar que anímicamente a identifica: “Pintarei de azul o mar / fareino con este ceo / que lle collín ao pasar,/ a unha nube do seu peto”. O desnudo feminino faise presente na obra de M,Manxela, en dúas series : Núa I, II e III e outros tres cunha orixinal consideración expresados nos seus títulos: “Un cuarto de hora de desnudo”…O numen poético de Paco Rivas exalta o traballo artístico da pintora: a arte plástica e a poesía, unha vez mais, xúnguense para amosar ó observador o engado supremo da beleza: “Ponte do día ,/ ollo de noite,/ luz que alteza, / luz que se esconde./ Rúa do ceo,/casa ledicia,/ luz que desperta/ soños de vida./ Ponte de día./ Rúa do ceo, / Rego que pasa./Soños que bebo”.
Suso Fernández
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
