NOTA DE PRENSA.-
PROGRAMAS E AXUDAS PARA MOZAS E MOZOS – PROGRAMA “ACTIVA”
Dende a Oficina de Información Xuvenil do Concello de Xove, organizouse para o próximo día 20 de abril, en horario de 17:00 a 19:00 horas, o obradoiro “Programas e axudas para mozas e mozos”, que forma parte do Programa “ACTIVA” da Dirección Xeral de Xuventude e Voluntariado.
Esta xornada vai destinada a mozos e mozas menores de 30 anos, persoal técnico local de emprego, animadoras e animadores xuvenís, responsables municipais de xuventude, asociacións, grupos informais e, en xeral, calquera colectivo interesado no ámbito da xuventude.
Entre os contidos desta xornada destacan a información sobre a estrutura da rede galega de información e documentación xuvenil, instalacións da Xunta de Galicia a disposición da xuventude, espazos xove (casas da xuventude), participación e asociacionismo, emprego, vivenda, ensino e bolsas.
Este obradoiro pode ser de interese para a poboación xuvenil da Mariña Lucense e para todas aquelas persoas que están en contacto coa xuventude, dahí que dende a Concellería de Xuventude se realice un chamamento a todas aquelas persoas interesada da Mariña (mozos/as menores de 30 anos, técnicos de emprego, animadores xuvenís, responsables municipais de xuventude, asociacións, etc.), para que participen neste obradoiro.
O obradoiro vaise desenvolver na Oficina Municipal de Información Xuvenil. Para participar basta con acudir o día 20 de abril ás 17:00 horas a esta Oficina; por parte da organización do obradoiro, e co fin de facilitar unha mellor organización e control, pídeselle aos participantes que, se poden, chamen antes do día 18 de abril ao teléfono da OMIX de Xove (982571816) para confirmar a súa asistencia.
Remitido
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
