O Panificadora del Eo resarce a súa seca goleadora á custa do Mesón Río Ulla (13-1)
O Panificadora del Eo-Ribadeo equilibrou a súa seca de goles na visita do Mesón Río Ulla, de Vedra, pechacancelas da táboa. Ao descanso, o 5-0 era un resultado curto para o que se puido presenciar no municipal ribadense. Elvira e Elena, cun ‘hat trick’ cada unha, foron as goleadoras dun encontro, con dominio e asedio absoluto das locais.
Ana foi a encargada de inaugurar a conta goleadora cando aínda non transcorrera o minuto 5. Posteriormente, Elvira, Nuria, Arancha e Iria completaron o traballo da primeira metade para marchar ao vestiario cunha clara vantaxe.
A continuación foi un calco do primeiro período. De novo Elvira e Sabela subiron o 6-0 e 7-0 ao luminoso e, aínda que as de Vedra o intentaron con porteira-xogadora nos minutos iniciais, o seu único gol chegou ao saque dunha falta ao bordo da área defendida por Antía. O 8-1 foi obra Tania Penabad ao rematar unha bonita xogada levada ao primeiro toque. Elvira conseguiu o seu ‘hat trick’ no 9-1 e Elena tomou as rendas subindo o 10-1, 11-1 e o 13-1 en menos de 5 minutos. O 12-1 foi obra novamente de Arancha.
Esta vitoria permítelles ás ribadenses asegurar a 11ª posición con 22 puntos, mellorando así a clasificación da pasada tempada. O equipo de Martínez visitará na próxima xornada ao Marcón de Vigo, cuarto con 55 puntos, que opta a xogar a promoción de ascenso a Segunda.
Provincial feminina. O Xoula non puido disputar o encontro correspondente á última xornada, ao non comparecer o pechacancelas, Becerreá, por causas descoñecidas. Á espera do inicio da Copa Provincial, as mozas ribadenses finalizan a liga cun merecido 2º posto, con 48 puntos, na que se alza campión o Concello de Friol.
Provincial masculino. O Ribadeo FS comezará a Copa recibindo o Baamonde FS, o vindeiro sábado (17.00 horas) no municipal ribadense.
Ficha técnica
Panificadora do Eo-Ribadeo FS: Antía, Ana (1), Eva, Elvira (3) e Elena (3), cinco inicial; tamén xogaron Tania Penabad (1), Sabela (1), Nuria (1), Arancha (2) e Iria (1).
FSF Mesón Río Ulla: Valeria, Alejandra, Vanessa, Ainoa e Marta (1), cinco inicial; tamén xogaron Laura e Ivanca.
Árbitros: David Castro e Elena Veres, da delegación de Lugo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
