FERNANDO SUÁREZ ASEGURA QUE OS TRABALLOS DE CONSOLIDACIÓN ESTRUCTURAL DA TORRE DOS MORENOS MARCHA A BÓ RITMO E AGARDA QUE REMATEN NAS VINDEIRAS SEMANAS. AS OBRAS QUE SE ESTÁN A REALIZAR ASCENDEN A 130.000 EUROS.
Ribadeo, 16 de abril de 2012. O alcalde de Ribadeo, Fernando Suárez, asegura que os traballos de consolidacion estructural da Torre dos Moreno marchan a bó ritmo e agarda que rematen nas vindeiras semanas. Esta actuación de emerxencia está a supoñer un desembolso de 130.000 euros, que costean Paisajes de Asturias (propietaria do 60% do edificio) e o Concello de Ribadeo (propietario do 21% do inmoble). Suárez Barcia considera que cando rematen estas obras de emerxencia haberá que abordar a urxencia de acometer a rehabilitación integral do edificio, pero tamén haberá que replantexarse o que vai facer o Concello de Ribadeo coa súa parte.
O rexedor sinalou que “están avanzado a moi bó ritmo as obras de consolidación estructural da Torre dos Moreno. As obras empezaron hai meses na fachada anterior do inmoble, na que da á praza do Cantón, onde xa se substituiron as columnas que estaban totalmente deterioradas e fora de servizo por outras novas, e agora a empresa realiza traballos de apuntalamento de apeo de toda a fachada da parte posterior da Torre dos Moreno”. O alcalde ribadense lembrou que “houbo que facer unha modificación do proxecto para facer un pouco máis ambiciosa a intervención, de cara a estabilizar toda a parte de atrás do edificio seguindo as recomendacións e os informes tanto da dirección de obra actual como da anterior ou incluso da empresa Intemac, que en numerosas ocasións nos recomendou tomar medidas urxentes”.
Suárez Barcia dixo que “o que estamos a facer a empresa Paisajes de Asturias, propietaria do 60% da Torre dos Moreno, e o Concello de Ribadeo, propietario do 21%, é asumir a execución duns traballos de emerxencia para evitar un problema de seguridade pública, de colapso dunha parte do inmoble que poida provocar danos a persoas, a viandantes, nunha das zonas máis concurridas de Ribadeo, que sempre está de coches e de persoas circulando polos seus arredores”. O alcalde de Ribadeo considera que “de emerxencia tamén é a rehabilitación integral da Torre dos Moreno, dado que as fachadas se atopan nun estado lamentable e moi perigoso. As obras que se están a realizar enmárcanse nun convenio asinado polo Concello con Paisajes de Asturias para iniciar esta intervención de emerxencia”.
O rexedor ribadense asegurou que “cando rematen ditas obras será cando desde o Concello teremos que reflexionar sobre cal debe ser o mellor destino desa propiedade, sen que o Concello deba renunciar a nada, pero sabendo que o Concello é propietario dunha porcentaxe de algo que está nunha situación de semi ruina”. Fernando Suárez agarda que “as obras rematen nas vindeiras semanas e unha vez que conclúan debemos afrontar a urxencia da rehabilitación integral, pero para iso o Concello terá que replantexarse qué vai facer coa súa parte, porque si un ten unha parte dun inmoble tamén ten que participar económicamente na súa rehabilitación. E á vista de que non se ven investimentos nin do Estado nin da Xunta nun inmoble tan importante coma éste o Concello deberá, coa súa responsabilidade, afrontar cal vai ser o mellor destino, pero primeiro de todo será preservar a seguridade pública de todos os veciños e viandantes que transitan pola zona”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
