Temos a indiscutible obriga de intentalo
O venres tivo lugar unha nova xuntanza da mesa de seguimento na que participan Xunta (Consellería de Economía e Industria e Xesgalicia), Concello de Mondoñedo e grupos políticos municipais. Este foro naceu principalmente para o fomento do emprego na cidade e na procura de alternativas de futuro nunha comarca lastrada por coñecidas crises empresariais.
Cando desde o PP impulsamos esta iniciativa -materializada xa na segunda das súas reunións- asumimos o compromiso de implicarnos ao máximo nun exercicio de responsabilidade cos nosos veciños e co futuro de Mondoñedo. A pesar de non ser os que temos a responsabilidade do Goberno municipal, quixemos sumar a todas as administracións que se amosaron dispostas a colaborar neste obxectivo e -á vista está- lideramos as iniciativas de impulso, as propostas e alternativas que entendemos máis útiles e necesarias.
Hai que lamentar que haxa quen, desde o Goberno municipal, vexa as nosas achegas desde a desconfianza e desde a visión miope do sectarismo político. Son incapaces de espirse da súa obsesión partidista, aínda conscientes de que facéndoo estarán contribuíndo á procura do mellor para Mondoñedo.
Vamos e iremos ás sucesivas reunións desta mesa de seguimento cos deberes feitos. E non poden pedirnos que renunciemos a facelo. Entre outras razóns porque as liñas de traballo que expoñemos non son a folla de ruta do PP, senón a suma produtiva e construtiva das iniciativas que os propios veciños de Mondoñedo, asociacións e emprendedores foron achegando en reunións previas que os populares organizamos con persoas e achegas de todas as sensibilidades políticas, ás que por certo quero reiterar o meu agradecemento público e sincero.
Un exercicio de responsabilidade e de compromiso sincero con Mondoñedo obriga ao PP a dar a coñecer aos veciños as súas propostas. Temos o deber de informar. Cabe esperar que o Goberno municipal faga o propio. E, sobre todo, que centremos os nosos esforzos en falar sobre iniciativas que incentiven a comarca e do moito que podemos facer polos nosos veciños e non, en polémicas estériles ou lamentacións sobre o protagonismo perdido.
Falemos das propostas que deixamos sobre a mesa: De reactivar a economía con iniciativas como o desenvolvemento sostible da xestión forestal, concretamente das actividades da biomasa. Falemos sobre a dinamización do sector turístico para xerar emprego, conscientes do moito que Mondoñedo ten que ofrecer e sensibilizando aos nosos veciños e emprendedores das posibilidades de negocio que deseña este sector. Deamos a coñecer as moitas liñas de apoio como o Impulsa Lugo que hoxe existen para autónomos e PEMES, grandes creadores de riqueza e emprego estable.
Mondoñedo é a nosa prioridade. O lugar no que creo. O único obxectivo do PP é o de contribuír a mellorar a cidade e cumprir dende a oposición o programa electoral. Guste ou moleste. Atopémonos ou non coa actitude pouco colaboradora por parte de aqueles que deberan ser os primeiros en defender ao seu concello. Non vamos a deixar de facelo. Estamos traballando a reo por Mondoñedo e por ofrecer alternativas convencidos de que nesta terra hai moito futuro. Teño -en primeira persoa-, temos -todos nós- a indiscutible obrigación de intentalo.
Elena Candia López, Portavoz do PP de Mondoñedo
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
