A XUNTA lembra QUE O VINDEIRO XOVES 19 DE ABRIL REMATA O PRAZO PARA PRESENTAR SOLICITUDES DE REGULACIÓN DE NAVES E VIVENDAS SEN LICENZA QUE FORAN CONSTRUÍDAS ANTES DO ANO 2003
Esta solicitude está enmarcada na Disposición Transitoria Terceira da Lei 2/2010, que se centra na situación urbanística das edificacións realizadas sen licenza ou sen autorización autonómica, existentes con anterioridade a o 1 de xaneiro de 2003
Esta disposición inclúe a novidade de que as edificacións que reúnan os requisitos sinalados poderán inscribirse a nome do seu titular para que poidan incorporarse ao seu patrimonio co obxectivo de evitar graves quebrantos económicos
Nestas construcións permítense soamente as obras para a conservación da edificación, así como para o mantemento dunha actividade económica sempre que se acredite unha preexistencia continuada dende a orixe da edificación
Santiago, 17 de abril de 2012.- A Consellería de Medio Ambiente, Territorio e Infraestruturas sinala que o vindeiro xoves, día 19 de abril, remata o prazo de presentación de solicitudes para a regulación de naves e vivendas sen licenza que foron construídas antes do ano 2003.
Esta solicitude está enmarcada na Disposición Transitoria Terceira da Lei 2/2010, que se centra na situación urbanística das edificacións realizadas sen licenza ou sen autorización autonómica, existentes con anterioridade a o 1 de xaneiro de 2003 (data da entrada en vigor da LOUGA).
A novidade que se introduciu na modificación da Lei do Solo, a través da disposición transitoria sinalada, refírese a que as edificacións que reúnan os requisitos sinalados poderán inscribirse ao nome do seu titular para que poidan incorporarse ao seu patrimonio co obxectivo de evitar graves quebrantos económicos, cando se presentase ante o concello correspondente a solicitude de declaración ata o 19 de abril de 2012.
A instrución lembra que o recoñecemento patrimonial non supón en absoluto unha legalización do construído, senón a mera aceptación dunha situación de feito. Nestas construcións permítense soamente as obras necesarias para a conservación da edificación, así como para o mantemento dunha actividade económica sempre que se acredite unha preexistencia continuada dende a orixe da edificación. Polo tanto, existe unha total prohibición de obras de consolidación ou de ampliación.
O recoñecemento municipal habilitará para a tramitación ante a Xunta da solicitude de cualificación ambiental da actividade. A resolución autonómica sinalará os requisitos medioambientais esixidos para o desenvolvemento da actividade avaliada É dicir, a posibilidade de recoñecemento administrativo queda vinculado a efectiva adopción de todas aquelas medidas tendentes á restauración da legalidade ambiental, entre outras:
• Resolución da evacuación de augas residuais e vertido de substancias de refugallo.
• Tratamento de emisión de gases nocivos.
• Adopción de medidas tendentes a minimizar o impacto medioambiental e paisaxístico.
• Illamento acústico.
Conforme ao previsto no trámite ambiental, será o concello o encargado de efectuar a comprobación do cumprimento das esixencias sinaladas na resolución autonómica de cualificación ambiental.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
