Ourizo do Mar: unha actividade con futuro
Tal e como advertimos no seu momento -desde o PP- a decisión do anterior Goberno bipartito de permitir a extracción de ourizo mariño aos afeccionados, así como o cambio e inclusión do mergullo como nova fórmula de explotación, provocou un impacto negativo neste recurso e contribuíu a súa escaseza no noso litoral, prexudicando dun xeito evidente aos profesionais que participan nas campañas de captura do ourizo.
Os que daquela advertíamos o que hoxe confirman os informes científicos, alertábamos de que a decisión da administración gobernada por PSOE e BNG supoñía poñer en risco o aproveitamento dun produto do mar como é o ourizo que, de recibir escasa atención gastronómica, pasou a significar unha exquisitez moi valorada por aqueles que entenden da boa cociña.
Os feitos veñen de demostrar que a decisión do Goberno bipartito non era sostible, nin social, nin ambiental, nin economicamente. Por iso, era preciso dar un golpe de temón cara ao futuro, un cambio de rumbo, e facelo conxugando con harmonía e intelixencia a colaboración co sector nos tres ámbitos sinalados.
De aí que atendendo ás nosas demandas, ao sentir dos propios profesionais e á vontade firme e comprometida da Xunta de Galicia, cómpre sinalar como especialmente acertada e digna de parabéns a posta en marcha do plan elaborado polo equipo actual da Consellería do Medio Rural e do Mar, para impulsar o proxecto de rexeneración do ourizo nas rías Altas galegas e, polo tanto, na costa norte das provincias de Lugo e da Coruña.
Un plan que nace para servir ás xentes do mar na Mariña lucense, a todas aquelas que queren seguir tendo no mar, e no aproveitamento comercial do ourizo mariño, unha fonte de traballo. Podemos contribuír dalgún xeito á obriga de recuperar as cifras positivas de crecemento do emprego no marisqueo, pensando que estas non son unha estatística, senón que reflicten a un importante número de persoas que poden obter no ourizo parte do seu sustento e, sobre todo, recuperar a ilusión por unha actividade ligada ao medio natural e fixadora de poboación.
O plan contempla accións de recuperación no litoral da Mariña para que o esmorecemento progresivo ao que se ten sometido esta actividade torne o seu rumbo cara á puxanza, cara á recuperación produtiva e laboral. Faise, ademais través dunha colaboración e cooperación intelixente co proio sector, con accións plurianuais para rexenerar os bancos naturais nas que se implica á práctica totalidade das confrarías da Mariña lcuense, ao Centro de Cultivos e Investigacións Mariñas de Ribadeo (CIMA) e o Minicriadeiro do Vicedo.
No Partido Popular queremos que Galicia, a Galicia mariscadora, siga a ser unha fonte de achega de emprego e de beneficio económico, tanto a través da extracción como tamén pola comercialización e transformación dos produtos mariños. Que mellor forma que facelo que recuperando unha actividade tradicional que está a darse na nosa costa desde fai moito tempo. Queremos facer da explotación responsable do ourizo do mar unha actividade de futuro.
Jose Manuel Balseiro Orol, Voceiro do Mar do Grupo Parlamentario Popular
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
