Toda a verdade sobre o servizo de axuda no fogar
O 24/11/2008, o Parlamento galego aprobaba -cos únicos votos favorables de PSOE e BNG, daquela no goberno da Xunta-, a Lei 13/2008 de Servizos Sociais de Galicia. Nese debate a representante nacionalista aseguraba que “o desenvolvemento desta lei sentaría na nosa sociedade o cuarto piar do estado do benestar. Porque da mesma maneira que hoxe son un dereito a educación, a sanidade ou as pensións, esta lei vén a asegurar os dereitos sociais para toda a cidadanía”.
Case catro anos despois destas entusiastas palabras os mesmos políticos que onte a aplaudían hoxe, desde as bancadas da oposición, non só critican a mesma lei que eles aprobaron e o decreto que a desenvolve, senón que incluso caen no absurdo de crear unha plataforma -impulsada desde a Deputación de Lugo- para atacala, rexeitala, e pedir a súa derrogación. Afeitos ao pancarteo e á manipulación, seguen a empregar esta estratexia aproveitándose das poucas administracións que aínda xestionan.
O que o BNG non quere que saibamos, é que o novo decreto de Servizos Socias o único que fai é desenvolver o que pon a propia lei aprobada polo bipartito e na que, no seu artigo 63, establece que as deputacións provincias proporcionarán “asistencia económica, técnica e xurídica aos concellos” en materia de servizos sociais “especialmente na prestación dos servizos sociais comunitarios básicos para aqueles concellos con menos de 20 mil habitantes”. Polo tanto, as deputacións teñen a obriga e a responsabilidade de coordinarse, evitar duplicidades e colaborar coa administración autonómica e local para o financiamento destes servizos naqueles concellos máis pequenos.
Queremos deixar claro que a Xunta seguirá apoiando aos concellos galegos e financiando os servizos municipais de axuda no fogar. Farao conforme ao establecido na lei e no decreto: Isto é, a Consellería de Traballo e Benestar dará os recursos suficientes para pagar o servizo de axuda no fogar de todas as persoas dependentes e tamén para os salarios dos traballadores sociais deste servizo en absolutamente todos os concellos de Galicia -con independencia da súa poboación- e, a maiores, axilizará este financiamento pois mentres antes realizábanse abonos con periodicidade anual, agora pasarán a pagarse trimestralmente.
Pola contra, naqueles concellos de menos de 20 mil habitantes -salvo decidan agrupar a xestión deste servizo- serán as deputacións provinciais as encargadas de apoiar con recursos económicos e técnicos o que se coñece como servizo axuda no fogar básico, é dicir, só e exclusivamente o das persoas que aínda non teñen recoñecido un grado ou nivel de dependencia.
Mentres que a Xunta financiará o groso dos gastos do servizo de axuda no fogar, -so neste ano máis de 30 millóns de euros- deputacións e concellos teñen a obriga de colaborar nestes outros aspectos. Parece evidente que, sobre todo nestes momentos, todos temos a obriga de arrimar o ombreiro na defensa dos nosos maiores. O gran problema está en que na Deputación de Lugo, a diferenza do resto das deputacións de Galicia, non teñen aclarado se queren ou non facelo. De feito, o vicepresidente provincial nin tan sequera acude ás repetidas reunións ás que foi convocado desde a Xunta, dando mostra dunha evidente falta de respecto institucional e dun nulo interese por cooperar ou dunha nula vontade por clarexar estas cuestións.
Cando o BNG non é capaz de asumir as sucesivas derrotas electorais e a progresiva perda de votos, en vez de facer autocrítica sobre esta situación -que lle leva incluso a dolorosas escisións internas e abandonos- decide radicalizarse ata o punto de defender cousas contraditorias ou -o que aínda é máis grave- desenvolver unha estratexia de oposición baseada en inventarse supostas alarmas, recortes ou decisións que, faltando á verdade, aseguran vai a levar a cabo o PP: Así por exemplo no BNG mentiron asegurando que desaparecería o Hospital da Costa, mentiron dando por feito que se cobraría a auga das traídas veciñais e menten alertando dunha falsa desaparición do servizo de axuda no fogar. Nin teñen credibilidade, nin están a dicir a verdade.
Hai dúas formas evidentes de afrontar esta cuestión: A dos alcaldes do PP que saen nos medios para tranquilizar e se esforzan por garantir o servizo, e a de nacionalistas e socialistas que xogan a confundir e asustar. Ben é certo que cada quen é dono das súas palabras e será xulgado polos seus feitos. Pero non hai dereito a enganar e meter medo a un colectivo, o das persoas maiores máis necesitadas, que precisan do apoio e da axuda de todas as administracións.
Ninguén pode negar que estamos nun momento de fonda crise, de insuficiencia orzamentaria e de necesidade de austeridade e axustes. Pero nada disto debe ser unha escusa para deixar de estar ao carón dos que máis o precisan. Todo o contrario. E mentres que a día de hoxe, a Deputación de Lugo aínda non saberemos si o fará, todos os galegos poden estar seguros de que, mentres o PP teña a responsabilidade de goberno en Galicia, blindaremos o máis imporante: Os servizos sociais e de benestar. Pero tamén que seguiremos dicindo ben alto aos nacionalistas a quen lles acompañe que se deixen de mentiras.
Jose Manuel Balseiro Orol
Secretario da Mesa do Parlamento
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
