MANUEL PARGA DENUNCIA QUE O NOVO MODELO DE FINANCIAMENTO DOS SERVIZOS SOCIAIS PON EN RISCO 130 EMPREGOS NA MARIÑA
O Parlamentario do BNG alerta de que o PP converte a sanidade e a educación nun artigo de luxo
O BNG e as organizacións sindicais critican que o paro entre os menores de 30 anos situase en Lugo preto do 40%
Viveiro, 2 de maio de 2012. Unha delegación da Executiva Comarcal do BNG, da que facían parte o parlamentario Manuel Parga, o tenente de alcalde de Viveiro, Bernardo Fraga e o vice-responsábel comarcal do BNG, Xoán Estua, mantiveron na xornada de hoxe unha xuntanza na Casa Sindical de Viveiro cos representantes na Mariña de UXT, CIG e Comisións Obreiras no que trataron como está a afectar á Comarca a xestión da crise que levan adiante o Goberno Galego e do Estado.
O parlamentario do BNG, Manuel Parga, afirmou que “o novo modelo de financiamento dos servizos sociais que vén de aprobar a Xunta de Galiza significa un golpe mortal ao sistema de benestar no conxunto dos concellos da Mariña, xa que pon en risco o sistema de axuda no fogar básico, as escolas infantís e os centros de maiores. Non estamos só diante dun modelo que lle nega financiamento autonómico para os equipamentos sociais aos Concellos de menos de 20.000 habitantes, que deixa sen protección a aqueles sectores sociais que máis precisan da axuda pública senón que pon en risco máis de 130 empregos no conxunto da Comarca. Pero é que hai máis o actual decreto establece un novo sistema de prezos públicos para utilizar as escolas infantís e os centros de dia e as escolas infantís que nalgúns casos significa unha suba nos prezos das mesmas de até un 100%.O PP esta a converterse nun problema para as persoas, e non só iso fano saltándose a lei como acontece con esta normativa que foi informado desfavorabelmente polo Consello Consultivo e pola Asesoría Xurídica Central da Xunta de Galiza”.
Na mesma liña o deputado nacionalista indicou que “as políticas dos populares na Xunta pretenden converter a sanidade e a educación nun artigo de luxo ao que non van poder acceder as maiorías sociais. Non é de recibo que en materia sanitaria se veña de establecer o sistema de copago que curiosamente a quen máis golpean sexan aos mozos e aos maiores, ou que se fixe un prezo no transporte sanitario para aquelas persoas que precisan determinados tratamentos como os doentes renais ou os que están sufrindo un cancro. Neste caso é evidente que o PP divide aos cidadáns xa non só en función da súa renda senón tamén atendendo a criterios xeográficos e no caso dos da Mariña isto provoca máis problemas posto que para determinadas terapias como a quimioterapia, a radioterapia ou mesmo a diálise teñen que desprazarse fora da Comarca. Na sanidade e na educación estase a vivir un proceso de privatización e centralización que nos volve 40 anos atrás”.
Xa por último Manuel Parga destacou que “os últimos dados da EPA, referidos ao primeiro trimestre de 2012 certifican que as sucesivas reformas laborais téñense demostrado como autenticas máquinas de fabricar parados. Abonda repasar a información da EPA, concretamente aquela que fai referencia ao desemprego nos menores de 30 anos onde o desemprego sitúase na Provincia de Lugo preto do 40% para darse conta do drama social que afronta a nosa mocidade. Se antes despedir era barato a día de hoxe é gratis, se xa na primeira década do século XXI os traballadores da Mariña perderon poder adquisitivo real, agora é o propio Goberno quen recoñece que até 2015 o salario dos traballadores van seguir vindo a menos.Estamos diante dun problema que afecta ao conxunto da sociedade e o Goberno non pode seguir agudizándoo.Urxe, polo tanto, un cambio de políticas que establezan como prioridade a creación de emprego e por suposto que a Xunta cumpra coa Mariña posto que seguimos agardando dos Planos de Acompañamento Social que o Goberno de Feijoo comprometeu para A mariña despois do feche de ECAR e de Hermida”.
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
