O Grupo Municipal do PP de Ribadeo denuncia o abandono e a falta de mantemento e coidado dos servicios públicos por parte da Concellería de Medio ambiente.
Novamente o Grupo Municipal do PP denuncia o lamentable estado no que se atopa a rede viaria dependente do Concello, singularmente das nosas parroquias, debido na súa meirande parte á falla de limpeza e mantemento por parte da Concellería de Medio Ambiente das cunetas e das tálleas dos viais, o que fai que nos días de abundante choiva e vento se vexan obstruídas polas follas e ramas caídas das árbores provocando o desbordamento da auga cara a calzada co conseguinte prexuízo para o pavimento, na maior parte dos casos de terra, co que se xera grandes socavóns e baches, que supoñen en grave risco para á seguridade dos peóns e da circulación.
Como claro exemplo da deixadez e falta de cumprimento das súas obrigas por parte da Concellería de Medio Ambiente, é de denunciar a existencia dun vertido de augas residuais e fecais que se ten formado na parroquia de Rinlo, e que non obstante terse denunciado pola oposición a súa existencia en distintas ocasións e ter instado do Concello a adopción de medidas urxentes que lle poñan remedio, o certo é que pasados todo ese tempo dende esa denuncia a situación sigue a ser a mesma sen que dende a Concelleria de Medio Ambiente se fixera nada o respecto.
Estas situacións de abandono e falta de coidado do noso medio non son illadas senón que se repiten ao longo da nosa Vila, de aí que dende o Grupo Municipal do PP lle esixamos ao Alcalde e maila Concelleira de Medio Ambiente que no cumprimento dos seus cometidos amosen unha maior dilixencia, e que a súas verbas se concreten en actuacións concretas das que repercuta un beneficio para a comunidade, de xeito que polos veciños e veciñas se poida ter unha percepción da referida Concelleria, que vaia máis aló do meramente propagandístico. Dende o Grupo Municipal do PP entendemos, que unha Concelleria que conta cun dos presupostos máis elevados do Concello, que ten subscrito cunha empresa externa como é NOVATEC un contrato para a realización anual de auditorías do sistema de xestión ambiental, que esta a levar a cabo a contratación nestas datas dun técnico e de catro operarios na materia, (cando outras administracións fan política de recortes de persoal), que se veñen a engadir a lista de funcionarios e persoal contratado que habitualmente presta as súas labores ao servicio deste departamento, ten medios persoais e materiais de abondo para garantir a correcta prestación da súas obrigas, polo que calquera incumprimento so é imputable a deixadez e ao abandono das súas funcións polos suxeitos responsables.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
