NO TABOLEIRO DE ANUNCIOS DO CONCELLO ATÓPASE EXPOSTO AO PÚBLICO O CALENDARIO DE LEVANTAMENTO DE ACTAS PREVIAS Á OCUPACIÓN DOS PREDIOS AFECTADOS POLA LIÑA DE ALTA TENSIÓN Á SUBESTACIÓN DE FOLGOSA.
Ribadeo, 11 de xuño de 2012. No taboleiro de anuncios do Concello de Ribadeo atópase o calendario de levantamento de actas previas á ocupación dos predios afectados polo proxecto da liña de alta tensión 132kv á subestación de Folgosa. Será os días 2, 3, 4, 5, 6, 9 e 10 de xullo na Casa do Concello a partires das 10 da mañá.
Desde a xefatura territorial da Consellería de Economía e Industria en Lugo estableceron un prazo de 8 días para a exposición pública da relación de bens e dereitos afectados pola execución do proxecto. Dita xefatura facía pública unha resolución o pasado 30 de maio pola que se anuncia o levantamento de actas previas á ocupación para a instalación da liña de alta tensión á subestación de Folgosa. Nesa resolución sinálase que a Dirección Xeral de Industria, Enerxía e Minas declaraba a utilidade píublica e aprobaba o proxecto de execución da devantida infraestructura que afecta aos concellos de Trabada e Ribadeo.
Esa declaración de utilidade pública implica a necesidade de ocupación dos bens de adquisición dos dereitos afectados e a súa urxente ocupación aos efectos do artigo 52 da lei de expropiación forzosa do 16 de decembro de 1954. Por iste motivo a xefatura territorial de Economía e Industria resolveu convocar a todos os afectados cos que non chegou a acordo para que comparezan no Concello de Ribadeo nas datas sinaladas. Desta convocatoria xa se deu traslado aos interesados a través de citacións individuais nas que se sinala día e hora para o levantamento das actas previas. Os afectados poderán formular alegacións por escrito na xefatura territorial de Economía e Industria ata o momento do levantamento das actas previas, para os únicos efectos de corrixir os posibles erros cometidos na relación de bens e dereitos afectados.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
