A CONCELLERÍA DE SERVIZOS SOCIAIS PON EN MARCHA O PROGRAMA DE PREVENCIÓN DE ABSENTISMO ESCOLAR CON ACTIVIDADES PARA AS FAMILIAS E PARA OS MOZOS E MOZAS CON IDADES COMPRENDIDAS ENTRE OS 16 E OS 24 ANOS. O PRIMEIRO OBRADOIRO DA COMEZO MAÑÁ.
Burela, 11 de xuño de 2012. A Concellería de Servizos Sociais, Muller, Igualdade e Sanidade reforzará nos meses de verán a educación a través do Programa de prevención de absentismo escolar. Haberá actividades destinadas ás familias e tamén para os mozos e mozas con idades comprendidas entre os 16 e os 24 anos.
A concelleira Diana Durán explica que “os obxectivos deste programa son informar ás familias sobre os seus dereitos e obrigacións parentais, previr situacións de absentismo e actitudes familiares que o favorezan, apoiar ás familias e darlles instrumentos cos que motivar aos menores cara os estudios e mellorar o seu interese polas aprendizaxes escolares, promover a colaboración e a participación das familias na escola, mellorar as habilidades sociais dos rapaces e a súa integración no sistema educativo, potenciar a reflexión dos rapaces acerca da súa actitude negativa cara a escola, promover e facilitar técnicas de estudio e repaso co fin de evitar situacións de fracaso académico, potenciar o regreso ao sistema educativo dos rapaces que o abandonaron de forma prematura, etc”.
A responsable de Servizos Sociais sinala que “dito programa supón un dos principais instrumentos de socialización e integración social, sendo ademais un elemento de prevención de determinadas problemáticas ou comportamentos disociais como poden ser as drogodependencias, a delincuencia, o desemprego…”.
Para acadar estes obxectivos realizaranse actividades dirixidas ás familias e actividades dirixidas aos rapaces e rapazas.
Actividades para as familias
-Información e Asesoramento individualizado: durante todo o ano a través do Programa de educación familiar.
-Obradoiros Formativos: os días 12, 14, 19 e 21 de xuño ás 12:30 na Casa do Concello. A temática a tratar será o dereito á educación (lexislación), os deberes e responsabilidades dos pais, habilidades e estratexias motivacionais, a importancia da implicación da familia na escola, causas e consecuencias do absentismo escolar, o fracaso escolar.
Actividades para os/as adolescentes (entre 16 e 24 anos)
-Información e asesoramento individualizado: durante todo o ano a través do Programa de Educación Familiar.
-Obradoiro de Habilidades Sociais: os días 3, 10, 17, 24 e 31 de xullo ás 12:30 horas na Casa do Concello.
-Ciclo de Cine Educativo: os días 5, 12, 19 e 26 de xullo ás 12:00 horas na Casa do Concello.
-Reforzo Educativo: será os días 7, 14, 21 e 28 de agosto, ás 12:30 horas na Casa do Concello.
-Obradoiro de Técnicas de Estudio: tamén en agosto os días 2, 9, 16, 23 e 30 dese mes ás 12:30 horas na Casa do Concello.
Os interesados en obter máis información sobre este Programa de prevención de absentismo escolar poden contactar co departamento de Servizos Sociais do Concello de Burela.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
