Plantacións de eucaliptos sobre flora endémica e en perigo de extinción
21 de xuño de 2012. O noso patrimonio natural máis valioso esmorece pola inoperancia e o desleixo da Xunta. A penúltima aldraxe, no concello de Palas de Rei, acumula ademais varias ilegalidades: unha plantación de eucaliptos sobre chan agrario queimado hai menos de 2 meses (incumprindo a Lei 3/2007 de prevención e defensa contra os incendios) e nunha área na que están presentes endemismos botánicos como a Armeria merinoi, a Santolina melidensis ou o Iris boissieri, os tres catalogados como “en perigo de extinción” (incumprimento da Lei 9/2001 de conservación da natureza). Por riba, a zona figura na proposta da Xunta para ser incluida na Rede Natura 2000, ampliando o LIC do Careón. Cando esta ampliación chegue, os eucaliptos terán derramado os valores naturais desta área e a Xunta, unha vez máis, será cómplice da política de feitos consumados e terra queimada.
A importancia da conservación destes taxóns radica na súa rareza e fraxilidade: a Santolina melidensis e a Armeria merinoi son endemismos galegos propios de solos esqueléticos sobre substratos serpentiníticos cuxa distribución mundial abrangue unhas poucas teselas no límite entre as provincias de Coruña, Lugo e Pontevedra. Pola súa banda o Iris boissieri, ou lirio do Xurés, é unha planta moi escasa e en regresión, presente en moi poucas localizacións en Galiza. De feito, esta importante poboación foi descoberta hai menos de 5 anos. As tres especies están incluidas no CGEA (Catálogo Galego de Especies Ameazadas) e catalogadas como “en perigo de extinción”. A principal ameaza para a súa supervivencia é a transformación do seu hábitat: cambio dos usos, parques eólicos, vías de comunicación (futura autovía Lugo-Santiago)…, xusto o que vai acontecer con esta plantación de eucaliptos.
ADEGA quere chamar a atención sobre os danos irreversíbeis que estas actuacións poden ter sobre un patrimonio único e moi ameazado. As administracións, en troques de ser garantes da conservación deste patrimonio, miran para outro lado cando non promoven e subvencionan estas desfeitas. Mais ignorar os seus deberes legais non significa que non teñan que facer fronte ás súas responsabilidades: ADEGA poñerá en coñecemento da Fiscalía de Medio Ambiente do TSXG estes feitos, por seren na nosa opinión, constitutivos de dous delictos contra o patrimonio natural e a biodiversidade e por incumprimento da Lei 3/2007 de prevención e defensa contra os incendios forestais: permitir a forestación dunha zona queimada hai menos de 2 meses e con vocación de uso agrario.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
