O sábado, 30 de xuño de 2012, na cidade de Mondoñedo celebrouse a IV Xuntanza Aberta na Mariña (Asemblea Constituínte) que aprobou o seguinte texto:
Principios comúns e proposta de resolución
A Xuntanza Aberta da Mariña nace co único obxectivo de pular pola creación dunha nova forza política unitaria, mais anima a todas as persoas da Mariña implicadas neste proceso a organizarse localmente para xerar masa critica nestes tempos de crise, cambios e ilusión. Convida tamén a todas as persoas boas e xenerosas a que se impliquen no proceso para que sexan protagonistas do nacemento desta nova forza política;
polo tanto:
Espallará este comunicado nas redes sociais, na prensa e nos diferentes actores que manteñen procesos abertos, para demandar unha converxencia real de cara a conformar unha nova forza política.
Esta nova forza política asentarase nunha base plural e radicalmente democrática, e ofrecerase como casa común a todos os cidadáns e cidadás de convicións galeguistas (principios inspiradores do nacionalismo contemporáneo) e transformadoras. Acollerá as achegas do soberanismo cívico, cultural, económico, enerxético e alimentar (exercicio real da soberanía popular). Centrarase no progresismo inclusivo e na esquerda renovadora.
A principal razón de ser desta nova forza é defender os intereses de Galicia no seu conxunto, propugnando un modelo económico e social sustentabél que ofreza ao conxunto da sociedade a posibilidade de acceder, en condicións de igualdade, a uns servizos básicos universais, públicos e de calidade.
A Xuntanza Aberta da Mariña non terá en ningún caso entidade xurídica, nace para desaparecer canto antes, diluída no proceso constituínte do que nos dotemos no conxunto do País.
Miguel Vizoso, Coordinador da Xuntanza Aberta na Mariña
E-mail de contacto: xuntanzaabertanamarinha@gmail.com
Para máis información: http://amarinha.blogspot.com.es
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
