O MUSEO PROVINCIAL ACOLLEU A PRESENTACIÓN DA I FESTA CASTREXA QUE SE CELEBRARÁ EN BURELA O VINDEIRO 7 DE XULLO. GONZÁLEZ BARCIA DIXO QUE HAI MOITA EXPECTACIÓN CREADA E ANIMOU A TODOS A PARTICIPAR NESTA CITA.
Lugo, 4 de xullo de 2012. O Museo Provincial de Lugo foi escenario da presentación da I Festa Castrexa que se celebrará en Burela o vindeiro sábado, 7 de xullo. O alcalde, José Mª González Barcia, asegurou que hai moita expectación e un gran ambiente en Burela estes días e animou a todos a participar nesta cita.
Na súa intervención o rexedor agradecéulle á Vicepresidencia Primeira da Deputación Provincial de Lugo “a súa colaboración para que este acto de presentación tivese lugar neste marco excelente e único. E agradecerlle tamén a súa aportación para que esa festa castrexa sexa posible”.
González Barcia dixo que “se trata de facer un evento que sirva para dinamizar o noso tecido socioeconómico e para facer ver cales son as nosas raíces culturais. A idea que ACIA tivo é completamente acertada, de feito xa nos plantexaron dita idea prácticamente perfilada, e pouco había que facer máis que animalos e colaborar con eles. A festa castrexa ten un preámbulo o venres, 6 de xullo, ás 20:30 horas no salón de plenos do Concello cunha conferencia titulada O mundo castrexo, que será impartida por unha burelesa, por Aurelia Balseiro, que a parte de ser especialista no tema é a directora do Museo Provincial de Lugo”.
O alcalde está convencido de que festa vai ser un auténtico éxito, “hai moito ambiente en Burela. Hai dous temas de referencia estes días: a selección española de fútbol e a festa castrexa. Sei que hai moita xente interesada en caracterizarse como castrexos, hai unha implicación enorme por parte das asociacións para que esta festa sexa todo un éxito e desde o Concello estamos a facer todo o posible para que esto sexa así”.
Barcia espera e confía “en que o tempo nos axude e espero e confío en que a festa discurra con normalidade, que a xente se divirta e que en próximos anos poidamos ir pensando en ampliar o abanico de actividades a nivel festivo e cultural. É probable que a finais de mes poidamos ter xa algunha noticia, pero de momento imos centrarnos na primeira edición que imos facer este sábado. Imos tentar que saia todo o mellor posible e animamos desde aquí á xente a que participe e se caracterice e que fagamos entre todos que Burela sexa un auténtico bulideiro de xente, que acollamos aos visitantes sexan romanos ou doutras tribus como se merecen e que entre todos creemos un fin de semana que promete para este 2012 e para anos próximos”.
No acto de presentación no Museo Provincial participaron tamén o vicepresidente primeiro da Deputación, Antonio Veiga, e o presidente de ACIA Burela, Pedro Fraga. Tamén acudiron o concelleiro de Economía e Comercio, José Casas, e a directora do Museo, Aurelia Balseiro.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
