O alcalde de Ribadeo, Fernando Suárez, ven de enviar unha queixa formal á Xunta tras a non inclusión da praia das Catedrais no Top ten turístico de Galicia. O rexedor sinala que “desde o Concello de Ribadeo, e por extensión de toda a Mariña luguesa, non entendemos a falla neste novo produto dun recurso das características da praia das Catedrais, xa que é un dos lugares máis visitados do país e o monumento natural máis importante de Galicia”. Fernando Suárez considera este feito coma “unha grave discriminación” pola que solicita que desde a Secretaría Xeral para o Turismo, “e sen ir contra ningún outro recurso turístico do país, se rectifique e se inclúa no Top ten á praia das Catedrais xa neste mesmo 2012”.
——-
Secretaria Xeral para o Turismo
Nestes días estívose a presentar por ese departamento autonómico nos medios de
comunicación a campaña promocional “Top Ten” turísticos, pola que se desenvolverán
diferentes paquetes turísticos distribuidos por toda a xeografía galega e para a cal se destinan
uns 146.000 euros de orzamento.
Nesta lista dos denominados “Top Ten” inclúense unha serie de destinos nos que
predominan maioriatriamente das provincias de Pontevedra e A Coruña, a pesares de que se
fixo especial fincapé na distribución por todo o territorio galego.
Desde o Concello de Ribadeo e por extensión, de toda a marina luguesa, non
entendemos a falla deste novo produto dun recurso das características da Praia dasCatedrais,
xa que é: un dos lugares máis visitados do país e o monumento natural máis importante de
Galicia. Ademáis, é o principal recurso turístico da Marina Lucense como destino como así o
avalan as diferentes campañase promocións turísticas, sendo a imaxe principal turística a nivel
de estado por parte de Turespaña.
Diante desta situación tan extraña ao ver como desde o estado se recoñece a valía
mentres desde a Xunta se esquece, o Concello de Ribadeo considera un grave erro e unha falta
de obxectividade a decisión da Secretaría Xeral para o Turismo de ter obviado este recurso,
tanto pola súa importancia turística como a súa capacidade de arrastre dentro provincia de
Lugo.
É por tanto, que consideramos este feito como unha grave discriminación pola que
solicitamos que desde a Secretaría Xeral, e sen ir contra ningún outro recurso turístico do país,
se rectifique e se inclúa no “Top Ten” á Praia das Catedrais xa neste mesmo ano 2012.
Asemade, que no sucesivose teñan en conta en cantas outras promocións turísticas se leven a
cabo.
Atentamente
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
