O conselleiro de Presidencia, Administracións Públicas e Xustiza destaca a “tripla dimensión” social, laboral e política desta iniciativa
Rueda avanza que a Xunta investirá 10,5 m€ para obradoiros de emprego que beneficiarán a máis de 1.300 persoas con especiais dificultades de inserción laboral
Salienta que esta iniciativa beneficiará especialmente a persoas desempregadas que teñan esgotadas as prestacións e subsidios, a mulleres vítimas de violencia de xénero, mozos e mozas menores de 30 anos, a persoas con discapacidade ou en risco de exclusión social, parados de longa duración, maiores de 45 anos, ou aquelas que carezan de título universitario ou de FP superior
Apunta que se trata dunha medida encamiñada tamén a favorecer a cooperación municipal, posto que dará prioridade ás solicitudes, que poderán ser conxuntas, daqueles concellos que superen os 500 desempregados
Sinala que os participantes nestes obradoiros disporán dun contrato de traballo e un salario mentres dure o proceso de formación
Santiago, 19 de xullo de 2012.- O conselleiro de Presidencia, Administracións Públicas e Xustiza, Alfonso Rueda, avanzou hoxe que o Goberno galego investirá un total de 10,5 millóns de euros, entre 2012 e 2013, para a posta en marcha de obradoiros de emprego que beneficiarán a máis de 1.300 persoas con especiais dificultades de inserción laboral. Así o anunciou na rolda de prensa posterior á reunión do Consello da Xunta, que hoxe presidiu en ausencia do xefe do Executivo galego, Alberto Núñez Feijóo.
O Consello da Xunta autorizou hoxe esta orde de axudas que se inclúe dentro das diversas medidas do Goberno autonómico destinadas a mellorar a empregabilidade nos concellos galegos. En concreto, apuntou que estes programas combinan a formación cun traballo efectivo, xa que os beneficiarios disporán dun contrato de traballo e un salario durante a súa participación nesta actividade.
O conselleiro indicou que poderán optar a estas axudas, como entidades promotoras dos obradoiros, tanto as entidades locais como os seus organismos que teñan competencias na promoción de emprego, os consorcios, e que “os criterios de selección dos proxectos serán os criterios de discriminación positiva recollidos nos plans Impulsa Lugo e Ourense”.
Beneficiarios preferentes
En canto aos beneficiarios, Rueda sinalou que “van ser desempregados, cunha especial preferencia para colectivos que presentan especiais dificultades de inserción laboral”. O conselleiro de Presidencia, Administracións Públicas e Xustiza fixo referencia a mozos e mozas menores de trinta anos, mulleres en xeral e vítimas de violencia de xénero, persoal traballador que esgotou as prestacións e os subsidios por desemprego, parados de longa duración, maiores de 45 anos e menores de 55 anos, persoas que carecen de títulos universitarios ou de FP de grao superior, persoas con discapacidade, e pertencentes a colectivos desfavorecidos ou en risco de exclusión social.
Dimensión laboral, social e política
Rueda resaltou a tripla función dos obradoiros e fixo alusión á función “laboral, social e política” que a Xunta aborda con esta iniciativa, e indicou que “se lles esixirá un compromiso aos concellos de procurar a inserción laboral de, polo menos, o 10 por cento das persoas que se acollan á actividade do obradoiro de emprego”.
Por outra banda, o aspecto social da iniciativa baséase nas propias actividades que se desenvolverán nos obradoiros, que serán, dixo, “prestacións de servizos de interese xeral e social” que permitirán a mellora das dotacións públicas.
Por último, Alfonso Rueda aludiu ao matiz político que albergan os obradoiros de emprego, en canto que a iniciativa favorece á política de cooperación municipal, xa que “terán preferencia as solicitudes de concellos onde se supere o número de 500 desempregados e, se non chegaran a este número individualmente, poderán asociarse”, aclarou o conselleiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
