Traballadores da Deputación concéntranse por cuarta vez en contra dos recortes do Goberno Central
– O Secretario do Comité de Empresa adianta que representantes sindicais e membros do Goberno Provincial avaliarán en setembro o Real Decreto Lei para consensuar e adoptar as medidas pertinentes desta normativa na institución luguesa, en contraposición da imposición do Executivo Estatal
– Umberto Paz considerou que “todos os Gobernos, empezando polo de Rajoy” deberían prescindir das pagas extra do Nadal logo de que Besteiro decidise restrinxila, sumándose ós recortes realizados xa hai máis dun ano e supoñendo que as retribucións do Goberno Provincial se rebaixan en máis do 30%
Traballadores da Deputación concentráronse esta mañá diante do Pazo de San Marcos en protesta das últimas medidas do Goberno Central mediante a aprobación do Real Decreto Lei 20/2012, que supón o maior recorte social na historia da democracia. É a cuarta concentración que realizan os empregados do organismo provincial logo de que os 4 sindicatos con representación na institución, (UXT, CC.OO, CIG e CIS-F) acordasen sumar esforzos en contra da supresión da paga extra do Nadal, o aumento das horas de traballo e a mobilidade. Trátanse dos aspectos de dita normativa que atinxen ós traballadores públicos, impostos coa maioría absoluta do Executivo de Rajoy ó non ser consensuados cos afectados. Isto conleva, por exemplo, que, sen poñer pega algunha ou ter en conta a situación familiar, os funcionarios terán que trasladarse a traballar a donde se lles esixa.
En contraposición con estas imposicións, o Secretario do Comité de Empresa da Deputación, así como integrante de UXT, Umberto Paz, avanzou que “estamos convocados para a primeira quincena de setembro co fin de que todos os representantes sindicais e membros do Goberno Provincial avaliemos o Real Decreto Lei e adoptemos as medidas pertinentes”.
Preguntado pola decisión do Presidente da Deputación, José Ramón Gómez Besteiro, de restrinxir a pagar extra do Nadal ó equipo de Goberno, non por estar de acordo con esta medida nin por obliga porque isto non se contempla na normativa de Rajoy senón en solidariedade cos traballadores públicos, Umberto Paz subliñou que “paréceme moi ben. Isto é o que deberían facer todos os Executivos, empezando polo de Rajoy, e non quitarlle a un traballador 200, 300 euros ou a paga extra porque ó final o perxudicado é o comercio, facendo que a tónica xerar sexa o peche de establecementos. O vindeiro Nadal será moi duro para este sector xa que ós traballadores públicos non nos queda outra que sumarnos ó pelotón dos que non consumen nestas datas”.
Hai que ter en conta que o 27% dos traballadores en activo na provincia son funcionarios polo que, previsiblemente, os comercios lugueses mermarán de xeito considerable os seus beneficios. Ademais, ó respecto do anterior, logo de manter conxelado o seu soldo dende 2007, Besteiro decidiu hai máis dun ano rebaixar as retribucións do Goberno Provincial nun 25% que, xunto ó novo recorte, supón unha rebaixa superior ó 30% na actualidade, facendo, por exemplo, que o de Lugo sexa o Presidente das Deputacións de Galicia que menos cobra.
Proposta ó Pleno
O Goberno provincial, a instancias do Grupo Socialista, levará ó Pleno unha proposta en contra dos novos recortes que vén de aprobar o Executivo Central e que perxudican “gravemente ós traballadores, pensionistas e parados”. O Executivo lugués considera que “non podemos quedarnos quedos ante unhas medidas coas que Rajoy, ó igual que Feijóo e os seus compañeiros de partido, castigan pola crise ós desempregados, ós maiores, e en xeral a todos os cidadáns de a pé, mentres premian ós defraudadores cunha Amnistía Fiscal e non piden nin un mínimo esforzo ás grandes fortunas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
