O BNG ALERTA SOBRE O INCREMENTO DO PARO SEN PRECEDENTES NA PROVINCIA DE LUGO, MOI POR RIBA DAS XA ALARMANTES CIFRAS DE GALIZA
Manuel Parga afirma que este nível de desemprego é coherente cunhas políticas da Xunta como o Plan Impulsa Lugo, que só son “propaganda, engano e fraude masivo”
Lugo, 27 Xullo 2012.- O deputado do GP do BNG Manuel Parga lamentou hoxe que o resultado das políticas de emprego de Feijóo, nomeadamente o chamado Plan Impulsa Lugo, sexa un incremento do paro na provincia de Lugo sen precedentes, pois neste último trimestre mentres en Galiza o incremento foi dun 3,89 por cento, en Lugo foi do 11,3.
Parga advirte de que esta dinámica dun diferencial moito maior na provincia en xeral e na Mariña en particular xa se leva producindo dende que Feijóo chegou ao goberno da Xunta, “pois dende aquela até o hoxe, o incremento do paro en Galiza foi do 69,5 por cento e en Lugo do 95 por cento”.
Para o parlamentar, estas cifras, non obstante, son coherentes coa política que está a aplicar o goberno do PP na provincia, baseada na destrucción de todo o seu tecido industrial.
Neste sentido, afirmou que o Plan Impulsa Lugo posto en marcha hai dous anos fica claro que só foi “propaganda, engano e fraude masivo, esta é auténtica faciana do PP, a de mentir e destruir”.
O parlamentar considera que Feijóo ten a obriga de asumir as súas responsabilidades fronte a esta situación e recoñecer o fracaso da súa xestión, “non agacharse tras cortinas de fume como a da reducción da democracia que pretende perpetrar coa reducción de deputados”
“A inacción do presidente da Xunta e a súa política de falsa austeridade está provocando unha destrución masiva de emprego a un ritmo vertixinoso e levando a Galiza e a Lugo a unha situación límite” .
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
