O BURELA FS REENCÓNTRASE CO META EDU NO CAMIÑO Á ELITE
O Burela FS Pescados Rubén reencontrarase co meta Eduardo Saavedra Cebreiro, Edu, a vindeira tempada no camiño á elite. O naronés, de 33 anos, formalizou esta mesma tarde o acordo que o vinculará á entidade laranxa en 2012-13, xunto ao vicepresidente, Manuel Blanco.
Despois dunha tempada co Oxipharma Granada, co que se proclamou campión da Segunda División, Edu volta á que “sempre considerei a miña casa”, un destino polo que sempre sentiu debilidade: “Despois dun excelente ano deportivo, chego con máis ilusión e para ofrecer todo o mellor de min” dixo o porteiro, amosando tamén optimismo cara á estrea laranxa en Primeira. “Estase perfilando un equipo moi compesando, coas posicións ben cubertas. Coñecendo o corpo técnico e a moitos dos xogadores, estou seguro de que este equipo traballará e se expoñerá ao máximo para cumprir os obxectivos” aseverou Edu,
“Espero que este sexa tan só o principio. A Primeira División era o que todos anhelabamos dende hai anos; Vista Alegre será un cheo absoluto” concluíu o burelista.
Pola súa banda, Manuel Blanco aplaudiu o regreso de Edu como “unha garantía para darlle continuidade ao esperanzador proxecto do Burela FS. A súa experiencia e regularidade serán unha baza de referencia neste novo ciclo”.
Ex-xogador do Parrulo (1998-2003), Muebles Caloto (2003-04), Barcel Euro (2004-06) e Celta de Vigo (2006-07), o ferrolán conta cunha ampla traxectoria en Primeira. Na súa primeira etapa en Burela, entre 2008 e 2011, Edu converteuse nun dos principais bastións do cadro mariñán, cunha das porterías máis sólidas de Segunda e como un dos burelistas máis queridos pola afección, coa que sempre mantivo unha perfecta simbiose.
O gardameta naronés compartirá responsabilidades baixo os paus co viveirense Iago Barro, que xa realizou un brillante labor defendendo a escuadra laranxa en 2011-12.
Brais García. Entre os intereses para 2012-13, o CD Burela FS tamén estableceu negociacións para renovación do canteirán Brais García (Burela, 1990), unha negociacións que non chegaron a frutificar. O meta, incorporado ao equipo de Segunda dende 2009-10, declinou a proposta da entidade laranxa. O club mariñán deséxalle sorte na súa traxectoria e un futuro prometedor nos novos proxectos.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
