HOSTALEIROS DE FOZ OFRECERÁN O MENÚ DA FESTA DO MARISCO NOS SEUS ESTABLECIMENTOS RESERVÁNDOO DE XEITO ANTICIPADO.
Foz, 10 de agosto de 2012. A Asociación de Comerciantes, Industriais e Autónomos de Foz traballa en todas as actividades que se desenvolverán na vila ao longo dos vindeiros días. ACIA colabora coa III Festa do Marisco, que organiza El Progreso e que se celebrará o vindeiro 18 de agosto nunha carpa instalada no paseo da Ribeira.
O presidente de ACIA Foz, José Carlos Paleo, subliña que “moitos locais da nosa hostalería ofrecerán tamén o mesmo menú que a carpa da Festa do Marisco. O único que teñen que facer os que desexen degustalo nos bares, restaurantes e mesóns de Foz é reservalo de xeito anticipado nos establecimentos participantes”. Paleo indica que “será o mesmo menú e ao mesmo prezo que o que se servirá no paseo da Ribeira. O único que teñen que facer é fixarse nos carteis identificativos que lucirán os nosos locais hostaleiros e facer as reservas”.
Menú normando
Agosto é un mes cargado de festas e propostas en Foz. A Asociación de Comerciantes ultiman tamén os detalles da súa participación na festa normanda que terá lugar a última fin de semana de agosto. A hostalería focense ofrecerá os días 24, 25 e 26 de agosto menús normandos a 15 euros. José Carlos Paleo engade que “tamén estamos a colaborar nas tarefas de preparación de dúas embarcacións que participarán no desembarco desta festa normanda”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
