RECUPERAR TUPIDE
A longa e triste historia das desfeitas na ría, sempiternas, acada o punto álxido na masacre de Tupide, topónimo autóctono que perde vixencia, en favor de Porto Chico, traído de terras cántabras. Os vellos lembramos a paraxe, dende o muro da vella farola ata pasada a Casa do Mar, todo un areal; é dicir, unha praia: era A Ribeira, onde varaban as lanchas para desembarcar o peixe das pescatas, que ao son do “corno”convocaban ás pescantinas para a venta. Lugar de xogos infantís, brincando polas lanchas, remando nos “botes”; emulando ás “de verdade” coas miniaturas feitas con latas conseguidas nas conserveiras, ás que se bautizaban cos nomes das adultas da nosa adolescencia, ás que cada quen tiña maior querenza: “Villa de Foz”, “La Polar”, “Santa Ana”, “Huerta”, “Está Bien”, “Caovilar”, “Dominga”, “Lestegás”, …Pero un día chegou o cemento e, paseniño, foi tragando aquela beleza natural, engulindo a area, e deixando o testemuño do que nunca se debería facer. Algunha vantaxe, puntual, aportou; pero o dano foi moito maior: ¿maxínase, lector amigo, o que hoxe sería para a vila a praia urbana daquela extensión? Olle as vellas fotos da parede da igrexa…¡Nen así damos aprendida a lección!
Hai algún tempo visitounos unha moza para falar connosco sobre da historia do porto: da desaparición da pesca, do cabotaxe e demais desventuras. A conversa foi longa, pois o seu interese abranguía tódolos aspectos, dende os toponímicos, á evolución do porto e das súas instalacións, estadísticas de pesca e cabotaxe, os estaleiros, mesmo os naufraxios na bocana da ría…. Cando íamos polo remate do encontro preguntamos :
–¿A que o interese en coñecer, tan polo miúdo, o referido ao noso porto?
— Na Escola de Enxeñeiros de Camiños da Coruña – díxonos – teño que presentar como traballo fin de carreira un proxecto para a recuperación de Tupide ao seu estado primitivo
–¿E iso é posible?. Preguntamos sorprendido, incrédulo e ilusamente esperanzado.
— Os meus profesores din que sí…
O episodio é real; non foi un soño. ¡Nunca mais soubemos da moza nen do proxecto!.
Suso Fernández
.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
