DOUS MOZOS LUCENSES, SOCIOS DA PRODUTORA HACHEDÉ VISUAL, DAN A VOLTA Ao
MUNDO EN 40 DÍAS SEN PAGAR NIN UNHA NOITE DE HOTEL
– Elías Alameda e Diana Casanova, socios da produtora lucense Hachedé Visual, acaban de finalizar
unha gran aventura: dar a volta ao mundo en corenta días sen pagar nin unha soa noite de hotel.
Nova York, Toronto, Chicago, Hawaii, Tokio, Pequín, Ulanbatar, Moscova e San Petersburgo son
algunhas das capitais visitadas.
– Sendo profesionais do audiovisual, non podían viaxar sen unha cámara ao ombreiro coa que gravaron os corenta días de aventura. Con ese material, o equipo humano de Hachedé Visual
teñen o difícil labor de editar un programa de viaxes que busca un oco na grella televisiva.
O que parecía unha idea desatinada converteuse en realidade. O pasado mes de xullo Elías e Diana,
ambos os socios da produtora lucense Hachedé Visual, iniciaban a súa viaxe ao redor do mundo. Os
preparativos comezaban meses antes, coa planificación da ruta e a xestión dos visados pertinentes
para visitar países como Rusia, Mongolia ou China. Meter a roupa e o equipo de gravación (cámara,
micrófono, ordenador e discos duros) en dúas pequenas maletas tamén era parte do reto. E por suposto
buscar aloxamento gratuíto, para o que contactaron con xente de todo o globo terráqueo na
web www.couchsurfing.com, onde millóns de usuarios ofrecen un espazo onde durmir a posibles
“couchsurfers”. Facer surf no sofá dun estraño (de aí o termino couchsurf), é sen dúbida unha forma
fantástica de percorrer o mundo, coñecendo xente, vivindo diferentes vidas e novas culturas.
O primeiro destino desta gran viaxe foi Estados Unidos, alí visitaron Nova York, tras o cal alugaron un
coche en dirección ás Cataratas do Niagara. Desde alí cruzaron a fronteira a Canadá para visitar
Toronto. De novo en Estados Unidos, o seu camiño pasou por Detroit ata chegar a Chicago. Desde alí avión a Hawaii.
Desde Hawaii avión a Tokio. Desde Tokio avión a Pequín. E desde Pequín o transiberiano ata San
Petersburgo, parando en Ulanbatar e Moscova.
Corenta días con corenta noites, durmindo nos sofás de xente hospitalaria como Kevin en Nova
York, Kyle en Hawaii, Kira en Tokio, Sol en Ulanbatar, Natalia en Moscova ou Varvara en San Petersburgo. Iso no mellor dos casos, xa que noutras ocasións era preciso durmir no coche, no tren, ou no confortable chan dun aeroporto.
A viaxe foi moi intenso, xa que os seus protagonistas non paraban máis de dous ou tres días na mesma
cidade. Anécdotas, entrevistas, problemas, experiencias, amigos… Corenta días inesquecibles que son
dignos de compartir. Por iso, os profesionais de Hachedé Visual queren agora darlle forma a eses mil
gigabytes de vídeo gravados para facer doce programas e vendelos a algunha cadea nacional ou
estranxeira. Así que, aínda que a viaxe por fin acabouse, a aventura da Volta ao Mundo en Corenta
días continúa.
Hachedé Visual
Hachedé Visual comeza o seu camiño profesional en xullo de 2008. Os seus promotores, Diana Casanova e Hugo
Fernández, ambos os licenciados en Comuniación Audiovisual, combinan os seus traballos como docentes de Imaxe
e son co seu labor empresarial, que busca como fin último potenciar o audiovisual de calidade na
provincia de Lugo, desenvolvendo proxectos cada vez máis ambiciosos.
Entre os seus últimos traballos destaca a reportaxe ?Camiños Naturais? elaborado para Tragsa e presentado en Fitur
2012, a realización do FIV 2012 (Festival Independente de Vilalba) ou a realización do vídeo
promocional da Festa Normanda de Foz, celebrada en agosto de 2012 e sobre o que traballan nestes
momentos. Ademais, realizan videoclips, documentais, anuncios…
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
